Napakaganda pa rin ni Carla Abellana na solong rumampa sa red carpet ng GMA Thanksgiving Gala noong sabado. Mukhang nakamove-on na talaga ang aktres at ready na ulit na sumabak sa aktingan.

Isa si Carla sa mga agaw-eksena dahil sa napakagandang black and white shining gown na suot niya sa nasabing event. Ayon pa kay Carla, marami siyang pinagkakaabalahan ngayon sa kanyang career at personal na buhay. Kasama na umano ang pagtupad sa matagal na niyang pangarap sa kanyang buhay, ang maipatayo ang kanyang dream house.

Dagdag pa ng aktes, nakapokus ngayon ang kanyang panahon at atensyon sa kanyang pamilya, trabaho at sa pagpapatayo ng sarili niyang bahay. Sa kanyang mga tagahanga na nagtatanong at nami-miss na ang aktres, aabangan si Carla dahil makakasama siya sa Japanese live adaptation ng Japanise hit anime series na Voltes V Legacy. Gaganap si Carla bilang si Mary Ann Armstrong.