Yassi Pressman sinita dahil sa pandesal, bumwelta agad

Ibahagi

Agad na sinagot ng aktres na si Yassi Pressman ang isang netizen na nagtanong sa kaniya kung nagpaalam ba siya sa tindero ng pandesal nang “galawin” niya ang paninda nito.

Sa Instagram post ni Yassi, makikita ang pagbili niya ng hot cheese pandesal sa isang cart na nasa tabi ng kalsada. Makikita sa video na siya mismo ang nanguha ng malalaking pandesal. Nilibre na rin niya ang isa pang bumibili, na siya na rin mismo ang kusang kumuha at naglagay sa loob ng paper bag.

“sa wakas nahuli ko din ang hot cheese pandesal cart! ~ pero yung sagot talaga ni kuya sa dulo eh made my day HAHA salamat po kuya norman!! ” ani Yassi.

Isang netizen naman ang nag-iwan ng tanong sa comment section, “Nag agree kaya si kuya na pwede nya galawin paninda? Just asking.”

Tsika at Intriga

Billy Crawford, ‘pinaglamayan’ kahit buhay pa!

Sagot naman ni Yassi, “syempre ate ikaw naman, di ko gagalawin ng walang paalam. sobra pa binigay ko bayad para samin nung isang kuya. sharing is caring.”

Sa dulo ng video, pabirong sinabi ni Yassi na hiningi niya ang cellphone number ng tinderong si Norman, pero ang sabi raw sa kaniya, ay may asawa na siya.

Makikita namang kinain ni Yassi ang pandesal.