Rufa Mae Quinto and Trevor Magallanes are reportedly facing a marital issue based on the screenshots of their exchange of messages leaked on social emdia.
PHOTO/S: Instagram

May mga nagsasabing lehitimo ang lumabas sa social media na mga screenshot ng palitan umano ng pribadong pag-uusap sa pagitan ni Rufa Mae Quinto at ng kanyang asawa na si Trevor Magallanes.

Ito umano ang nagpapatunay na may problema sa walong taong pagsasama ng mag-asawa.

Marami ang nabahala sa very telling screenshots na kumalat dahil base sa diumano’y palitan ng mga salita na iniiugnay kina Rufa Mae at Trevor, tila malalim ang hindi nila pagkakaunawaan.

Rufa Mae Quinto and husand Trevor Magallanes

TREVOR MAGALLANES ARRESTED IN HAWAII?

Kasabay nito ay may mga kumakalat ding kopya ng isang police report na nagpapakita na pag-aresto umano kay Trevor dahil sa trespassing sa Honolulu, Hawaii, noong December 6, 2024.

Nakasaad sa Adult Arrest Log ng Honolulu Police Department na isang “Japanese national” na nagngangalang Trevor Magallanes ang inaresto dahil sa “Criminal Trespass 2 offense.”

Copy of the report of Honolulu Police Department about the arrest of a certain Trevor Magallanes 
Photo/s: Honolulu Police

Thirty-eight years old ang Trevor Magallanes na dinakip.

Tumutugma ang edad nito sa edad ng asawa ni Rufa Mae, pero hindi pa natutukoy kung magkapangalan o iisang tao lamang sila.

Hindi rin malinaw kung lehitimong Japanese ang nationality ni Trevor.

MARRIAGE ON THE ROCKS?

Matagal nang usap-usapang may problema sa relasyon nina Rufa Mae at Trevor, pero walang pagtanggi o kumpirmasyon mula sa comedienne.

Nagkataon pang nasabay sa marital issue ni Rufa Mae ang pagkakasangkot niya kamakailan sa investment scam controversy kaya nagkaroon siya ng warrant of arrest.

Sa Fast Talk with Boy Abunda nitong Lunes ng hapon, Disyembre 9, 2024, tinalakay ng kaibigan at dating manager ni Rufa Mae na si Boy Abunda ang isyung kinasasangkutan ng aktres at ng asawa nito.

Sabi ni Boy, “We are also aware na may mga umiikot na screenshots ng conversation with Trevor, the husband of Rufa Mae Quinto, at saka ni Rufa Mae.