Kapamilya stars Anthony Jennings and Maris Racal are currently trending after the screenshots of their alleged convo on Messenger posted by Anthony’s ex-girlfriend Jamela Villanueva became viral.
PHOTO/S: Netflix Philippines

Malaki ang epekto kina Maris Racal at Anthony Jennings ang mga kumalat na screenshots umano ng palitan nila ng mga kontrobersiyal at incriminating messages na inilabas ni Jamela Villanueva noong Martes ng gabi, Disyembre 3, 2024.

Si Jamela ang ex-girlfriend ni Anthony.

JAMELA VILLANUEVA’S INSTAGRAM POSTS

Ang mga screenshot na inilabas ni Jamela ang pruweba ng diumano’y pagtataksil ng boyfriend habang may relasyon pa sila.

Noong Disyembre 2, ibinalita ni Maris sa kanyang X (dating Twitter) account, “So excited to launch something today and tomorrow” na patungkol sa kanyang bagong hair product endorsement.

Pero natabunan ito ng “launch” ng mga screenshot ng cheating allegations ni Jamela laban sa kanila ni Anthony.

Hindi positibo ang imahe ngayon nina Maris at Anthony sa paningin ng publiko.

Damay ang bagong product endorsement ng aktres na kalulunsad lamang noong Martes, Disyembre 3, 2024, dahil sa mga negatibong komento ng netizens sa Facebook page ng hair product company tungkol sa pagiging third party umano niya sa relasyon nina Anthony at Jamela.

Kasama sina Maris at Anthony sa And The Breadwinner Is..., ang pelikula ni Vice Ganda na opisyal na kalahok sa 50th Metro Manila Film Festival, at sa upcoming ABS-CBN primetime series na Incognito na pinagbibidahan nina Daniel Padilla at Richard Gutierrez.

May mga naniniwalang makakaapekto sa pelikula ni Vice ang kontrobersiyang kinasasangkutan nina Maris at Anthony kaya mas makabubuting huwag nang isali ang dalawa sa promosyon ng And The Breadwinner Is…

Maris Racal and Anthony Jennings 
Photo/s: Maris Racal on Instagram

Trending sa social media ang pangalan nina Maris at Anthony dahil sa mga “resibo” na inilabas ni Jamela.

Masasakit ang mga salitang ipinupukol kina Maris at Anthony, na nananatiling tahimik tungkol sa mabibigat na paratang sa kanya.

Ginagawa ring katatawanan at pang-iinsulto ang mensahe ni Maris noon para kay Anthony na “I’ll touch myself na lang.”

RICO BLANCO IS ALSO TRENDING

Hindi lamang sina Maris at Anthony ang hot topic sa social media dahil trending din ang kanyang ex-boyfriend na si Rico Blanco, na nakakuha ng maraming simpatiya mula sa netizens.

Noong Hulyo 12, 2024, umiiyak na inanunsiyo ni Maris sa isang media conference na hiwalay na sila ni Rico.

Maris Racal and Rico Blanco 
Photo/s: Rico Blanco Facebook