Barbie Hsu ng ‘Meteor Garden’ pumanaw na dahil sa pneumonia

 



Barbie Hsu ng ‘Meteor Garden’ pumanaw na dahil sa pneumonia

Barbie Hsu

 

NAAALALA niyo pa ba ang Taiwanese actress na si Barbie Hsu?

Siya ‘yung original na gumanap bilang “San Chai” ng hit drama na “Meteor Garden” na ipinalabas noong 2001.

Nagluluksa ngayon ang maraming fans dahil sa biglaan niyang pagpanaw sa edad 48.

Ang nakakagulat na balita ay ibinandera ng national news agency ng China na “Focus Taiwan” ngayong araw, February 3.

Baka Bet Mo: Taiwanese star Barbie Hsu hiwalay na sa asawang businessman

Ayon sa ulat, kinumpirma ng kanyang kapatid na ang naging sanhi ng pagkamatay ay dahil sa pneumonia matapos magkaroon ng influenza sa kasagsagan ng Lunar New Year.

“Our whole family came to Japan for a trip, and my dearest and most kindhearted sister Barbie Hsu died of influenza-induced pneumonia and unfortunately left us,” saad sa naging pahayag ng sister ni Barbie.

Dagdag pa niya, “I was grateful to be her sister in this life and that we got to care for and spend time with each other.”

“I will always be grateful to her and miss her!” mensahe pa niya.

Ang mga naiwang mahal sa buhay ng aktres ay ang South Korean husband na singer at DJ na si Koo Jun-yup at ang 10-year-old daughter nila, pati na rin ang 8-year-old son ng “Meteor Garden” star na anak niya sa dating asawa na Chinese businessman na si Wang Xiaofei.

Kung matatandaan, ang mga nakasama ni Barbie sa nasabing hit series ay sina Jerry Yan, Vic Chou, Ken Chu, and Vanness Wu.