Barbie Forteza at Jak Roberto, naghiwalay dahil sa third party? David Licauco, to the rescue?

Hindi pa natapos ang putukan noong January 1, mga YesPren, dahil kinabukasan lamang, may pasabog na kumpirmasyon si Barbie Forteza ng kanilang paghihiwalay ng longtime boyfriend na si Jak Roberto. Sa kaniyang Instagram account, nagpahayag si Barbie ng isang “beautiful goodbye” sa pitong taon nilang relasyon ng aktor.

At malamang, hindi na naman mapakali ang mga chismosang Yespren! Sa parehong linggo ay umarangkada naman sa social media si Xian Gaza. Sa kaniya kasing napakainit na post, sinabi ni Xian na ang tunay na dahilan ng hiwalayang BarJak ay third party. Diumano’y ilang ‘starlet’ ang lumantad sa kaniya at ibinuking ang pangingibang-bangka ni Jak habang sila pa ng aktres. Wala pang kasunod na chismis si Xian pero mukhang nag-iipon na naman siya ng lakas para sa isang pangmalakasang Facebook live.

advertisement

Hindi pa riyan natatapos, mga YesPren! Kabi-kabilang hula at matutulis na tabas ng dila rin ang naglabasan kasunod ng anunsyong ito. Sabi ng ilan, malamang ay tuluyan nang nabarda ng ka-loveteam na si David Licauco ang puso ng dalaga. Kasunod kasi ng post ni Barbie, siya ring pag-agaw ng eksena ni David sa kumpirmasyon ding hiwalay na siya sa kaniyang non-ShowBiz jowa. Sa kabila ng mga chika, nanatiling kalmado si David at nag-post sa Instagram ng larawan na may caption na “Chill lang.”

Hindi pa nagpapahayag ng saloobin si Jak sa hiwalayang BarJak at maging sa kaliwa’t kanang alegasyon na ibinabato sa kaniya. Humiling naman si Barbie ng respeto at privacy para sa kanilang personal na buhay.