Christopher, mas click katambal si Vilma kaysa Nora



Magkasamang kinapanayam ni showbiz columnist Cristy Fermin ang Star For All Seasons na si Vilma Santos at ang award-winning actor na si Christopher De Leon sa isang episode ng “Showbiz Now Na” noong Huwebes, Nobyembre 9.

Isa sa mga naitanong ni Cristy kay Christopher ay kung naisip ba umano nito na malagay sa isang sitwasyon kung saan ang mahigpit na katunggali ng dati niyang asawang si Superstar Nora Aunor na si Vilma ay makakatambal niya nang maraming beses.

Star Awards for Movies: Nora vs Vilma vs Sharon vs Maricel | PEP.ph

 

Sa katunayan, may bagong pelikula ulit sina Christopher at Vilma na kasama pa nga sa Metro Manila Film Festival 2023.Nanghinayang tuloy ang mga fans nina Nora at Vilma dahil hindi magkakaroon ng pagkakataon na magbanggaan ang dalawa sa takilya.

Christopher, mas click katambal si Vilma kaysa Nora-Balita

“Ang totoo niyan, wala akong plano. Basta nangyari lang ang lahat. We did several movies together and nagsunod-sunod. And then kinuha kami ni Ishmael Bernal, kinuha kami ni Celso Ad. Castillo, kinuha kami nila Abaya, nila Laurice Guillen, kinuha kami ng magagaling na direktor,” saad ni Christopher.

Vilma, Christopher magso-shooting sa Japan

 

“Wala kayong pelikula na ipinalabas na hindi tinangkilik. Talagang kayo talaga ‘yung tinatangkilik,” pahayag naman ni Cristy.

Sumegunda naman ng pahayag si Vilma hinggil dito: “Parang sa madaling salita–whether you like it–mas click tayo [Christopher].”

Natawa tuloy silang tatlo sa sinabing itong ni Vilma.

“E, kasi paikot-ikot pa, e. Let’s face it. Mas click kami,” sabi pa ni Vilma.

 

Sumang-ayon naman dito si Cristy at binuyo pa ang dalawa.

“Oo naman. Sana nga e noong una pa lang nag-click na,” sabi niya.

Sa huli, inimbitahan nina Christopher at Vilma ang madla na panoorin ang kanilang “When I Met You in Tokyo” sa darating na MMFF 2023.