Jamela Villanueva, inilabas ang screenshots ng umano’y panloloko nina Maris at Anthony



Sa palalim na sanang gabi nitong December 3 ay binasag ni Jamela Villanueva ang kaniyang katahimikan at ginulantang ang mga YesPren sa paglalabas ng ‘so hot’ na resibo sa ginawang panloloko umano sa kaniya ng on-screen love team na sina Maris Racal at ex-boyfriend na si Anthony Jennings.

 

Sa isang sunod-sunod na post sa kaniyang Instagram stories ay ibinahagi ni Jamela ang mga nakuhang screenshot ng naging mga usapan ng dalawang artista. Ayon sa kaniya, matagal na niyang kinimkim ang mga detalyeng ito, pero napagdesisyunan niyang sabihin na hindi para maging topic ng mga Marites kun’di para ipaglaban ang kaniyang panig.

“There’s only so much silence a person can bear when rumors twist the truth,” sabi ni Jamela sa kaniyang post. Agad itong nag-viral at nagdulot ng samu’t-saring reaksyon mula sa mga YesPren. Noong December 1 lamang ay kinumpirma ni Anthony na ilang buwan na silang hiwalay at ito raw ay may kinalaman sa pansariling issues na siya ang dapat na mag-ayos. Hula ng netizens, ito ang nag-trigger kay Jamela para ilabas ang kaniyang mga nalaman tungkol sa dalawa.

Samantala, nananatiling tahimik ang ‘MaThon’ sa issue. Marami ang nag-aabang kung ano ang kanilang magiging sagot sa mga akusasyon. Ilan sa mga fan nila ang nagsabing hihintayin ang pahayag ng dalawa bago husgahan ang sitwasyon. Abangers din ang lahat kung sa wakas ba ay magsasalita na ang singer na si Rico Blanco tungkol sa issue.

Nagpahayag naman ng suporta ang ilan kay Jam at pagkadismaya naman sa dalawang artista.