Inaabangan ngayon ang kakaibang pagganap ni Julia Barretto sa upcoming project nila ni Carlo Aquino.

Sa nasabing project, ipapakita ni Julia ang kanyang daring ang sexy side. Gagampanan ni Julia ang papel ni Candy na isang bayarang babae sa nasabing project.

Marami naman ang natuwa kay Julia sa pagtatry ng bagong genre sa kanyang showbiz career. Ngunit hindi naman naiwasan na may ilang netizens na nang-iintriga sa aktres sa pagganap ng nasabing role at pagpasok sa ganitong genre.

Ayon sa ilang mga netizens, tila gumaganti si Julia sa mga pinaggagawang proyekto ni Gerald Anderson. Alam naman ng lahat ang ginampanang role ni Gerald sa Kapamilya series na A Family Affair. Agad naman itong nasundan sa proyektong pinagsamahan nila ni Kylie Padilla.

Matatandaang sa bawat sexy scene ng aktor sa kanyang ka-partner, palagi tinatawag ng mga netizens ang pansin ni Julia Barretto. Napapabalita rin ang pagiging malapit umano ni Kylie at Gerald sa isa’t-isa. Tila isa umano ito sa mga dahilan kung bakit naisipan ni Julia Barretto na tumanggap na ng mga daring roles.

Sa halip na magselos sa mga nakakatambal ni Gerald sa mga project sa showbiz, tila pinili na lamang ni Julia ang tumbasan rin ang mga pinaggagawa nito.