– “Huwag kayo masyado naniniwala sa fake news”- ito ang naging pahayag ni Mommy Min Bernardo nang hingan ng mensahe para sa fans ng kanyang anak na si Kathryn Bernardo

– Sa isang maiksing video clip na binahagi ng Tita Long Gumatay Showbiz Short Stories FB page, sinabi ni Mommy Min na kilala niya ang mga fans ng anak

– Wala naman itong binaggit kung ano ang tinutukoy niyang fake news ngunit nagiging mainit na usap-usapan ngayon ang umano’y pagkakabati nina Kathryn at ex boyfriend nitong si Daniel Padilla

– Maging si Xian Gaza ay may post patungkol sa umano’y pagkakabati ng dating magkasintahan

Nagbigay ng mensahe si Mommy Min Bernardo para sa mga fans ng kanyang anak na si Kathryn Bernardo, kung saan hinimok niya ang mga ito na huwag agad maniwala sa mga kumakalat na balita. “Huwag kayo masyado naniniwala sa fake news,” ani Mommy Min sa isang maiksing video clip na ibinahagi ng Tita Long Gumatay Showbiz Short Stories Facebook page.

Bagamat hindi niya direktang tinukoy kung anong isyu ang kanyang pinapatamaan, mainit na usapin ngayon ang umano’y pagkakabati nina Kathryn at dating kasintahan nitong si Daniel Padilla. Ilang netizens ang nagdududa kung totoo nga ang balitang nagkaayos na ang dating magkasintahan, lalo na’t may mga cryptic posts na lumalabas mula sa kilalang showbiz personality na si Xian Gaza.

Sa isang Facebook post, sinabi ni Xian, “Ang tsismis eh nagkabalikan na daw pala ang KathNiel. This is not kompirmd yet kasi isang source pa lang ang nag-i-splook sa akin. How true?”

Sa isa pa niyang post, nagbigay siya ng update na tila kumpirmado na umano ang balita. “BREAKING NEWS: Kathryn Bernardo & Daniel Padilla, nagkaayos na! Kompirmd 99.9%! Yung 0.01% ay yung germs na hindi napatay ng Safeguard! Atin-atin na lang muna at huwag na lang sana makakalabas hangga’t kinukumpirma pa natin kung sila ba ay magjowa na ulit. Salamat. Please respect their privacy,” ani Xian.

Sa kabila ng mga espekulasyon, wala pang opisyal na kumpirmasyon mula kina Kathryn at Daniel, kaya’t patuloy pa rin ang paghihintay ng kanilang fans sa anumang pahayag mula mismo sa dalawa.

Si Kathryn Bernardo ay isang sikat na aktres sa Pilipinas na kilala sa kanyang husay sa pag-arte at pagiging isa sa mga nangungunang leading ladies ng kanyang henerasyon. Ipinanganak noong Marso 26, 1996, siya ay nakilala sa kanyang pagganap bilang Mara sa remake ng teleseryeng “Mara Clara” noong 2010-2011.

Mas lalo siyang sumikat nang maging bahagi siya ng tambalang KathNiel kasama si Daniel Padilla. Ilan sa kanilang mga pinakasikat na proyekto ay ang teleseryeng “Princess and I”, “Got to Believe”, “Pangako Sa’yo”, at “La Luna Sangre”.

Bumasaga ng rekord ang “Hello, Love Again” dahil sa napakalaking tagumpay ng pelikula. Una, nalampasan nito ang “Rewind” bilang pinakamalaking kinita ng isang pelikulang Pilipino sa kasaysayan. Ngayon, ito ang kauna-unahang pelikulang Pilipino na umabot sa mahigit P1 bilyon ang kabuuang kita.

Samantala, nagbahagi si Alden Richards ng ilang nakakakilig na litrato kasama si Kathryn Bernardo habang sila ay nasa Calgary, Canada. Sa parehong post, nag-iwan siya ng mensahe ng pasasalamat sa lahat ng sumuporta sa kanilang pelikulang “Hello, Love, Again.”