Yen Santos, nagpost sa unang pagkakataon mula nang aminin ni Paolo Contis na single siya

– Nag-post si Yen Santos ng mga larawan mula sa pagdiriwang ng kanyang kaarawan, na unang beses mula nang aminin ni Paolo Contis na single na siya

– Nagsimula ang espekulasyon ng hiwalayan nila noong Mayo nang burahin ni Yen ang Instagram birthday greeting niya para kay Paolo

– Kinumpirma ni Paolo sa “Fast Talk with Boy Abunda” kamakailan na single na siya nang tanungin tungkol sa kanyang estado

– Noong Enero 2023, kinumpirma ni Paolo ang relasyon nila ni Yen ngunit itinanggi niyang si Yen ang dahilan ng hiwalayan nila ni LJ Reyes

Nagpakilig sa kanyang mga tagahanga si Yen Santos matapos siyang mag-post sa social media sa unang pagkakataon mula nang aminin ni Paolo Contis na single na siya. Ang aktres ay nagbahagi ng mga larawan mula sa pagdiriwang ng kanyang kaarawan, na umani ng maraming pagbati mula sa kanyang mga tagasuporta.

Yen Santos, nagpost sa unang pagkakataon mula nang aminin ni Paolo Contis na single siya (@ysantos/Instagram)
Source: Instagram

Ang post ni Yen ay naganap makalipas ang anim na buwan ng usap-usapan tungkol sa umano’y hiwalayan nila ni Paolo. Kamakailan lamang, sa isang episode ng “Fast Talk with Boy Abunda”, diretsahang inamin ni Paolo na single na siya nang tanungin kung “single” o “taken” siya.

Nagsimula ang espekulasyon noong Mayo nang burahin ni Yen ang kanyang birthday greeting para kay Paolo sa Instagram. Makalipas ang isang linggo, sinabi ni Paolo na nais niyang gawing pribado ang detalye ng kanilang relasyon. Sa sumunod na buwan, ini-unfollow ni Paolo si Yen at ginawa niyang pribado ang kanyang Instagram account.

 

PAY ATTENTION: Follow us on Instagram – get the most important news directly in your favourite app!

Matatandaang noong Enero 2023, kinumpirma ni Paolo ang relasyon nila ni Yen ngunit itinanggi niyang si Yen ang dahilan ng kanyang hiwalayan kay LJ Reyes.

Sa kabila ng mga kontrobersiya, nanatiling tahimik si Yen tungkol sa isyu. Subalit ang kanyang kaarawan post ay tila nagbigay ng masayang vibe, na nagpapakita ng kanyang positibong pananaw sa kabila ng mga pinagdaanan.

Patuloy na inaabangan ng mga netizen ang magiging sagot ni Yen o kung ano pa ang mga susunod niyang hakbang matapos ang rebelasyon ni Paolo.

Si Paolo Contis ay isang aktor at komedyante na unang nakilala sa mundo ng showbiz nang maging bahagi ng “Ang TV.” Sa kasalukuyan, isa siyang Kapuso talent. Naging maingay ang pangalan ng aktor kamakailan kasunod ng pag-amin ni LJ Reyes tungkol sa kanilang paghihiwalay.

Matatandaang ang kanyang manager na si Lolit Solis at ang talk show host na si Cristy Fermin ang ilang beses na nagtanggol sa kanya sa gitna ng mga pambabatikos na natanggap niya nang maghiwalay sila ni LJ.

Kamakailan ay inunahan na ni Paolo ang mga bashers sa kanyang panibagong post sa kanyang personal Facebook account. Ibinida niya na masarap ang kanyang baong adobo at may libreng bashing pa umano ito.

Bagong feature: Tingnan ang mga balitang para sa’yo ➡️ hanapin ang “Recommended for you” block at mag-enjoy!