Miss Grand Myanmar, Ibinalik Ang Korona Bilang Miss Grand International 2nd Runner Up; ‘We didn’t get what we deserve’

Naalis na ang titulong second runner-up ng Miss Grand International 2024 mula kay Thae Su Nyein ng Myanmar matapos niyang ipahayag na ibinabalik niya ang kanyang korona. Sa isang live video sa Instagram, sinabi ni Thae na nagdesisyon siyang isuko ang kanyang titulo dahil sa pakiramdam niyang nawala ang kanyang pagkakataon matapos hindi makuha ang dalawang espesyal na parangal: ang Best in National Costume at Country’s Power of the Year.

Nakuha ng Brazil, Ecuador, at Honduras ang National Costume awards, habang ang Thailand naman ang nagwagi sa Country’s Power of the Year. “I give back my second runner-up crown just because we don’t get what we deserve,” aniya sa video na muling ibinahagi sa iba’t ibang pageant pages.

“I mean like our National Costume prize, our Country Power of the Year, not the winner crown.”

Sa kanyang pahayag, nilinaw ni Thae na wala siyang galit sa bagong koronahang Miss Grand International, si Rachel Gupta mula sa India, at CJ Opieza mula sa Pilipinas. “I love India, I love Philippines. They’re my best of sister of all the time,” sabi niya. “I don’t blame them.” 

Ipinaliwanag ni Thae ang kanyang pag-iyak matapos ang coronation night, sinabing nakaramdam siya ng lungkot para sa kanyang mga kababayan na nagbigay ng suporta at nagbigay ng effort para maging matagumpay siya bilang kinatawan ng Myanmar sa Miss Grand International. Binigyang-diin din niya na ang desisyon na ibalik ang kanyang second runner-up crown ay siya lamang.“I’m not controlled by anyone.”

“In that hall, a lot of Myanmar flags over there. I can see from the stage, a lot of people are crying, a lot of my people are crying, my Burmese people are crying,” saad ni Thae. “How am I feeling? How can I stay happy with that crown?”

“So I started crying because I feel sorry for them, I feel sad for them, not because I don’t [sic] get the winner crown,”  dagdag pa niya.  “I’m not fighting for the winner crown, I’m fighting for my country.” 

Hanggat ngayon, wala pang opisyal na pahayag mula sa Miss Grand International tungkol sa isyung ito, ngunit maraming tao ang nakapansin na hindi na kasama si Thae sa mga post ng pageant tungkol sa kanilang mga reigning queens. Ang kanyang desisyon ay nagdulot ng mga usap-usapan sa komunidad ng mga pageant fans, at tila naging simbolo ito ng kanyang pagmamahal sa kanyang bansa at sa mga tao na nagbigay ng suporta sa kanya.

Ang pangyayari ay nagbigay-diin sa mga hamon na dinaranas ng mga kandidata sa mga international pageant, kung saan ang mga inaasahan at pressure mula sa kanilang mga bansa ay maaaring maging mabigat. Si Thae ay naging boses ng kanyang mga kababayan, ipinapakita na ang mga beauty pageant ay hindi lamang tungkol sa korona kundi pati na rin sa pagkilala at pagmamahal sa kanilang kultura at komunidad.

Ang kanyang desisyon na ibalik ang korona ay hindi lamang personal kundi isang makapangyarihang mensahe na ang tunay na halaga ng mga ganitong kompetisyon ay nakaugat sa mga puso ng mga tao at sa kanilang mga sakripisyo.