Bea Alonzo on John LLoyd Cruz: “We were almost lovers.”

PHOTOS: @beaalonzo & @johnlloydcruztm on Instagram

Sinalubong ng belated birthday suprise si Kapamilya actress Bea Alonzo nang bumisita s’ya sa clinic ng dermatologist na si Dr. Aivee Teo.

(Bea turned 33 last October 17.)

The surprise treat was captured on-cam at siyang naging content ng Youtube vlog ni Dr. Aivee na kanyang in-upload last December 16 kung saan after ng kanyang treatment ay nauwi sa kwelang tsikahan ang nangyari.

Nagpaunlak si Bea na sagutin ang ilang personal questions na inihanda para sa kanya ng staff ng beauty doctor.

Bale, salitan silang bubunot ni Dr. Aivee ng mga personal questions at bago sagutin ay kailangan  nilang uminom muna ng champagne.

Unang tanong pa lang kay Bea ay pasabog na dahil tungkol ‘yon sa kung sino ba sa mga naging boyfriend n’ya noon ang gusto n’yang makabalikan.

“To tell you honestly, isang beses lang ako bumalik. Hahaha!” natatawang pag-amin ni Bea. “Nagkamali pa ako. Hahahaha! So ‘wag na siguro makipagbalikan, ‘di ba? 

“Close na ‘yong chapter na ‘yon ng life mo. It’s like really the same book all over again so I just might as well move forward and try to read another book. Hahaha!”

Pero nilinaw ni Bea na hindi naman lahat ng break up ay mapait. Binigay niyang example ang relasyon nila ni Zanjoe Marudo na despite their break up ay nanagili naman daw silang magkaibigan.

“But my relationship with Zanjoe lasted for six years and until now we’re very good friends. I’m still friends with the family. Kung [may] pag-uusapan na good memories, it has to be with him.”

Umamin din si Bea na ang ultimate celebrity crush daw n‘ya ay si Jericho Rosales.

“Super crush ko s’ya eversince. Tawag ko sa kanya ‘crush’ and he knows about that. S’ya ‘yong nahihiya for me. Haha! He’s so nice. He’s so talented. He’s everything that you want.

“Before I became an artista, fan talaga ako ng Kristine-Jericho tandem. Like, I used to watch Pangako Sa ’Yo every night.”

May “something” daw kasi ang mga tingin ni Echo [palayaw ni Jericho] sa ka-love team nitong si Kristine Hermosa noon.

“Bakit ko s’ya naging crush? It was the way he looked at Kristine sa mga scenes nila. So, iniisip ko kapag ako nagka-boyfriend one day…because I was still young then, gusto ko pag nagka-boyfriend ako one day gusto ko ganyan din ako tingnan. The way Jericho looks Kristine.”

Nag-follow up question si Dr. Aivee kung sino na ba ang tumingin sa kanya nang tulad ng tingin ni Jericho pero hindi ‘yon sinagot ni Bea dahil wala daw ‘yon sa question na binunot niya.

Sunod na naitanong sa Kapamilya star ay kung may gusto ba s’yang baguhin sa kanyang past at tila beauty queen naman n’ya itong sinagot.

“I don’t want to change anything because I wouldn’t be the person I am today if not for all the trials that I’ve been through. So I wouldn’t change it,” pahayag n’ya.

“Ngayon, may lessons na. I feel like I’m stronger. I can face anything in life. I can survive anything in life.

“Thank you na rin ha,” sey pa ni Bea sa camera para sa hindi n’ya pinangalanang indibidwal. “Thank you talaga. Hahahahaha!

“I can feel like I’m a better person now. I can just laugh about my past and the things that I’ve gone through.”

Isa pa sa tanong kay Bea ay tungkol sa status n’ya, which, sa tingin ng Netizens, ay she is currently dating someone.

“Right now, I’m open to dating and also being happy na parang… if there’s anything that I’ve learned from this quarantine and all these things that has been happening, parang na-realize ko life is short and that you have to be open to being happy.

“Parang, dapat hindi ako mag-suffer. If it’s going to happen, it’s going to happen. If it doesn’t happen, I don’t need to, like, you know…”

Sa haba ng explanation ni Bea, pinutol na ito ni doktora para sagutin na n’ya kung yes ba or no.

Kaya naman napaamin na s’ya at sinabing: “I’m dating, okay? I’m dating.”

Pagbibiro pa ni Bea sa mga boys na maaaring nanonood ng vlog, they can post their number sa comment section.

Isa pa sa napag-usapan ay ang memorable gift na natanggap ng aktres. Ito daw ‘yong nakapunta s’ya sa Paris para um-attend sa kasal ng common friend nila ni doktora. Doon na din daw sila nagsimulang maging close ni Dr. Aivee na nasa Paris din that time.

“Siguro gift ko sa sarili ko. My trip to Paris,” saad n’ya. “I enjoyed it very much. It was bittersweet because, at that time, I was turning 30 and you know how girls are when we turn 30, right?

“It was scary and, at the same time, exciting. I was, you know, entering another chapter of my life na hindi ko sigurado kung anong mangyayari…

“I was so insecure,” she continued. “I was turning 30 na that time. After I turned 30 wala naman palang nagbago. I actually felt even better because I could say whatever I want to say without apologies anymore. Parang I’m comfortable with my own skin.”

When it was Bea’s turn to ask question, tinanong naman niya si Dr. Aivee kung sino ba ang kanyang celebrity crush.

“Crush lang naman, ‘di ba, na I find appealing is Echo and John Lloyd [Cruz]. JLC,” lahad ng doktora..

“Pareho pala tayo ng type,” komento naman ni Bea at napahalakhak sila pareho.

At dahil nasama na rin sa usapan si John Lloyd, saktong ang tanong na nabunot ng celebrity dermatologist for Bea dahil may kinalaman ‘yon sa kung na-in love ba s’ya sa kanyang former on-screen partner.

Tila nangapa pa si Bea kung paano ba sasagutin ang tanong.

“I’m always in love with him,” pag-amin n’ya. “Yes, I’m always in love with him. I feel like our partnership will never work if I’m not in love with him. So, andu’n lang ‘yon. 

“I think, I’ve said this before…’yong relationship namin, lahat na napagdaanan. We were friends. We were enemies. We were almost lovers…

“‘Yong relationship namin, na-transcend n’ya na ‘yong level of just romance,” dagdag pa n’ya. “Now, he’s more than that to me. That’s the beauty of it.

“And maybe, I’m also in love with the idea of what we are… Hindi mo alam kung ano s’ya. And I’m in love with that idea. I know that we have the same amount of respect and love for each other that’s why it’s very special to me.”

Kaya naman kinulit pa s’ya ni Dr. Aivee kung may posibilidad pa na muli s’yang ma-in love kay John Lloyd in the future.

Paliwanag naman ni Bea, palagi naman nga daw s’yang in love sa dating ka-love team partner.

“I mean, falling in love with him is not even a question anymore because I’m always in love with the guy,” aniya.”

Isa pang naitanong sa aktres kung naniniwala ba s’ya sa second chances.

“Depende kung sino ang pagbibigyan,” sagot ni Bea. “Because, I think right now, it’s a privilege so you have to be mindful who to give it to.”