Coco Martin Felt Jaclyn Jose’s Sadness Before Passing

Coco Martin: “Ang bigat sa aming lahat kasi unexpected.”

Coco Martin on passing of his close colleague and nanay-nanayan Jaclyn Jose: “Di ko makalimutan yung memories na nagpaaalam ako sa kanya, ‘Mommy Jane, babay, I love you!’ Sabi niya, ‘Love you, Nak!’ Actually, down kami talaga nung nagte-taping kami… Ang bigat sa aming lahat kasi unexpected.” 
PHOTO/S: Rachelle Siazon / @cocomartin_ph Instagram

312
Shares

Hindi pa rin makapaniwala si Coco Martin sa biglaang pagpanaw ni Jaclyn Jose, na itinuring siyang parang anak.

Bandang 7 p.m. ng Martes, March 5, 2024, nang dumating si Coco sa Arlington Chapel sa Araneta Avenue, Quezon City, kunsaan isinasagawa ang lamay para sa namayapang respetadong aktres.

Read: Multi-awarded actress Jaclyn Jose dies at 60

Mugto pa rin ang mata ni Coco nang makausap siya ng PEP.ph (Philippine Entertainment Portal), ABS-CBN News, GMA News, at entertainment vlogger kagabi, March 5.

Huling nakasama ni Coco si Jaclyn noong nakaraang linggo, sa taping ng FPJ’s Batang Quiapo, ang ongoing prime-time series ng Kapamilya Channel.

Kaya lubos ang pagdadalamhati ni Coco at mga kasamahan sa trabaho na hindi na nilang muling masisilayan si Jaclyn.

Read: Jaclyn Jose, balik-Kapamilya; pasok sa ‘FPJ’s Batang Quiapo’

Biglaang pumanaw si Jaclyn noong March 2, Sabado, dahil sa atake sa puso.

Saad ni Coco, “Actually, down kami talaga kahapon nung nagte-taping kami, ang lungkot, tahimik.

“Walang nag-uusap, hindi namin pinag-uusapan, pero bagsak yung team.

“Yung mga artista, yung production, tahimik, nagpapakiramdaman.

“Ang bigat sa aming lahat kasi unexpected.”

Naalala pa raw ni Coco ang huling pag-uusap nila ni Jaclyn tungkol sa tatakbuhing kuwento ng Batang Quiapo.

“Nung nagpaalam ako na lalaya na ako,” tukoy ni Coco sa karakter niyang si Tanggol, na nakakulong sa recent episodes.

“Saka yung memories na after that, nag-usap kami sa labas ng tent niya. Kinuwento ko yung tatakbuhin ng charater niya.

“And after that, nagpaalam na ako.

“Hindi ko makalimutan yung memories na nagpaaalam ako sa kanya, ‘Mommy Jane, babay, I love you!’

“Sabi niya, ‘Love you, Nak!’”

Ang tunay na pangalan ni Jaclyn ay Mary Jane Guck.

Ayon kay Coco, wala siyang napansing kakaiba sa kalusugan ng aktres, pero napansin niyang may dinadala itong lungkot.

“Wala, pero nakita ko sa kanya yung lungkot.

“Kahit pag nagpi-preview, tinitingnan ko ang mga eksena niya, iba yung bigay niya, may sadness, e.

“Hindi ko alam kung alam niya na. Hindi ko maintindihan.

“Nararamdaman ko sa kanya yung lungkot, lalo na yung eksena nila ni Ivana na nalulungkot siya kasi yung mga characters umaalis na dun sa kulungan.”

Ang tinukoy ni Coco na “Ivana” ay si Ivana Alawi naco-star nila sa Batang Quiapo.

COCO MARTIN ON JACLYN JOSE’S WORK ETHICS

Ipinaliwanag ni Coco na si Jaclyn ang tipo ng aktor na hindi naniniwala sa method acting, at mas gustong humugot sa totoong emosyon para raw mas natural ang labas sa kamera.

Naniniwala si Coco na hindi matatawaran ang ambag ni Jaclyn sa entertainment industry.

“Alam namin na napakalaki pa ng maiko-contribute niya sa industry, saka sobra kasing mahal na mahal ni Mommy Jane ang industriyang ito,” saad ni Coco patungkol kay Jaclyn.

Pagpapatuloy ng actor-director, “Kaming mga kabataang mga artista, talagang sobra niya kaming gina-guide sa tamang attitude, behavior, pagtingin dun sa trabaho, lalo na sa pagrerespeto sa mga senior actors.