Sa kauna-unahang pagkakataon, personal nang nakausap ni Robin Padilla ang ama ng kanyang asawa na si Mariel Rodriguez-Padilla.

Sa Instagram ni Robin, lubos ang pasasalamat nito kay Allah dahil tinupad nito ang hiling niya sa Kapaskuhan.

Kinailangang maghintay ng walong taon ni Robin Padilla para makita si Abelardo Termulo, ang ama ni Mariel na nakatira na ngayon sa Amerika.

“Sa ngalan ng Allah ang pinakamapagpala at ang pinakamahabagin. Sa Nag iisang Panginoong maylikha lamang ang pagpupuri. Isang napakahalagang tagpo sa aking buhay ang naganap at natupad nitong kapaskuhan God is great !!!

Pagkatapos ng higit sa 8 taon na paghihintay at mahigit na tatlong visa application sa US Embassy upang makilala at hingin ang kamay ni mariel sa kanyang Ama na si Ginoong Abelardo Termulo ay nakapag MANO na rin ako sa kanyang kanang kamay…” saad sa caption ni Robin.