Noong una ay nag-aatubili pang sagutin ni Dina Bonnevie ang tanong tungkol sa mga kaibigang naka-away in the past at nakabati rin later on. Related kasi ito sa tema ng bago niyang GMA-7 teleserya na Anak ni Waray Vs. Anak ni Biday na tungkol sa mag-best friend na naputol ang pagka-kaibigan dahil nagmahal ng iisang lalaki.

“Sasagutin ko ba yan?” natatawang sagot ni Dina habang nasa panel during the formal question-and-answer portion ng Waray Vs. Biday media conference. Pero dahil sumagot ang iba sa main cast gaya nina Snooky Serna, Barbie Forteza, at Kate Valdez, ay nag-share na rin si Ms. D (palayaw ng mga taga-showbiz sa kanya).

Aniya: “Well, I think, my life is an open book. Alam naman ng lahat na meron akong friend na naging magka-away kami before because of my partner, my husband…Nagka-anak din sila. Of course, I was hurt. It was painful. Inabot din ng ilang years bago kami nagkabati. But God is good. We forgave each other and now actually I admire her ’cause she’s really a wonderful person—kaya ko din siya naging kaibigan ko siya noon—but you know, we are not perfect, people make mistakes…and ’yon. I really admire her especially now ’cause she is a very successful mother and she has devoted her time to the Lord. Dahil din sa kanya, naging Christian ako. So, maganda at maayos ang pagiging magkaibigan naming muli. At nagpapasalamat ako. Thank you.”

Umani ng palakpakan ang magandang sagot na iyon ni Ms. D.

Pero kahit hindi niya pinangalanan ay obvious naman na ang tinutukoy niya ay si Ms. Coney Reyes, ang nanay ng ngayon ay Pasig City mayor na si Vico Sotto.

(Taong 1982 nang kinasal si Ms. D sa dating mister na si Vic Sotto. That same year, napabilang si Coney Reyes sa mga hosts ang Eat Bulaga at kalaunan nga ay nagka-relasyon ito sa co-host na si Vic Sotto na nagbunga ng isang Vico Sotto noong 1989. By 1986, naghiwalay na sina Vic at Dina at tuluyang na-annul noong 1992.)

Matapos ang pormal na panel discussion ay kinuyog ng press si Ms. D, kabilang na ang pikapika.ph, para mas magpa-elaborate pa sa mga nasabi niya earlier.

“Tapos na ’yon and were good friends and ’yon all I can is say is I admire her,” paunang pahayag ni Ms.D. tungkol kay Coney Reyes. “I admire her the way she raised her son Vico. I admire the boy, he’s very intelligent. And I admire the way she really changed her life. Like now she’s devoted her life to the Lord. I mean, nag-showbiz siya pero kumbaga, she stands firm on her ground: ‘I’m a Christian, these are my beliefs.’ Gano’n. 

“Basta proud na proud ako sa kanya na naitaguyod niya si Vico kahit nag-iisa lang siya and hindi lang ’yon she doesn’t stop… she continues to speak in church, nagte-testimonial siya, she shares her experiences… So, parang feeling ko, nangyari sa amin ’yong nangyari sa amin because God is going to use us in wonderful ways, in great ways. Maybe to help other women. I’m sure.”

Ani Ms. D., si Coney daw ang nag-reach out sa kanya na siyang nag-pave ng way para tuluyan na nilang isantabi ang nakaraan at i-mend ang nasira nilang pagkakaibigan.

“Kasi s’yempre diba [nasa] Eat Bulaga! and then nakita na niya na I was already going to that church, pero ibang branch. And then, ’yon parang siguro she was also trying to mend our friendship, asking for forgiveness. So, sabi ko, ‘Sige, let’s forgive each other.’ Kasi marami rin siguro akong nasabing hindi maganda about her… s’yempre hurt ako.

“So we forgave one another. Na-mend naman ’yong friendship and then ’yon sabi niya, ‘You wanna try you know come with me to this church.’ So, ’yon nagpunta ako. I didn’t go with her but she invited me there. And doon na-deepen ’yong pagiging Kristiyano ko.

‘“Parang sa akin is, tingnan mo nga naman ang Panginoon ano? Parang she was also instrumental kung papano din ako mas naging malalim na Christian.

“And then, even when Danica was not Christian yet and then eventually naging Christian siya, pati si Danica gina-guide niya. So, nakakatuwa talaga.”

Ang tinutukoy na church ni Dina ay ang Victory Christian Fellowship kung saan kapwa sila parehong aktibong kasapi ngayon. 

“Ako naging Christian yata ako 1989. Si Danica siguro mga 90’s. Matagal na. We’ve been Christians for a long time. Siguro si Danica mga 1996, ako 1989,” pagpapatuloy pa ni Ms. D.

(Si Danica ay ang panganay nina Dina at Vic na sinundan ni Oyo Boy.)

Up to now daw ay nagkikita pa rin sila ni Coney sa same branch ng Victory at very amiable and cordial daw lagi ang mga aksidenteng pagkikita nila.

“Yeah, I see her in Victory [Christian Fellowship], pero not all the time. But when we see each other, nagbabatian kami. Parang okey lang. Past is past. Tapos na ’yon.” 

Relationship with Vico

Samantala, kung sila raw ni Coney ay naging magka-ibigan muli in the 90s, mas nauna pa raw niyang natanggap ang anak nitong si Vico dahil ipinakilala raw ito sa kanya ni Vic noong bata pa ito.

“Yeah, I even met him as a baby,” patuloy ni Ms. D,. sa intresanteng kwento. “I remember dinala ni Vic sa bahay and then ’yong mga maliliit na damit ni Oyo binigay ko sa kanya, ’yong mga books ni Oyo, ’yong mga nursery books binigay ko, ’yong mga toys na… ang dami-dami kasing toys ni Oyo… binigay ko sa kanya. 

“Ayon, tapos parang Vic is saying sorry sa nagawa ko ganyan-ganyan, ‘But this is my son.’ Pinakilala niya sa akin. Okey lang.”

Pero aniya, malayo raw ang loob sa kanya ni Vico, even noong nagka-isip na ito.

“For awhile si Vico nakikita niya ako sa church, umiiwas siya,” balik-tanaw ni Dina. “Parang he didn’t wanna see me kasi nga parang baka daw I’m reminded of the sin. Sabi ko, ‘No. It’s not your fault…it was never your fault so don’t feel that way.’”

It also took awhile din daw for Danica and Oyo bago tuluyang natanggap ng mga ito ang sitwasyon ng kanilang pamilya.

“Parang before s’yempre ’yong mga anak ko ayaw din nila sa mga half- brother and half-sisters nila. But I guess, you know, God changes your heart when you become a Christian. Not I guess, I’m sure God changes your heart. So, tinanggap nila ’yong mga kapatid nila and now they’re like one big family.”

Huling nakita raw ni Ms. D. si Vico noong bago pa ito maging mayor. Hindi pa raw sila nagkaka-chance encounter nito ulit after nitong mahahal as the rockstar mayor of Pasig.

“Isaw him bago siya nag- mayor ...hegoes to the same church. Pero sa umaga yata siya, e, kami more on afternoon ang church namin, e.”

The others

Samantala, never daw nagka-paki si Ms. D. sa iba pang naging ex-girlfriends ni Vic noong araw.

Si Coney lang daw ang talagang naka-apekto sa kanya dahil magkakilala sila.

“Sa akin siya lang naman ang importante kasi kilala ko siya. Hindi ko naman kilala ’yong iba and no, the others wala na kami [ni Vic] noon. So, wala akong karapatan magalit kasi Vic is not in my life anymore.

Pero aniya, sinubukan pa rin daw makipagbalikan ni Vic sa kanya at some point at bibigay daw sana siya until nalaman niyang hindi pa rin naputol ang ugnayan nito kay Coney.

“Although ’yong isa [instance] medyo bumabalik-balik pa sa akin [si Vic] tapos hindi natuloy kasi nalaman ko na have naman [silang relasyon]. Hindi natuloy. Sana kasi magkakabalikan pa kami after that. Pero ’yon pumasok naman si girl. ‘Ah, closed na talaga.

“Pero wag na natin pag usapan ’yon hindi naman ’yon ang tema ng serye, ang tema is friendship.”

Of course everything is water under the bridge now, so to speak. Maligaya na rin si Ms. D. sa piling ng kanyang husband of more than seven years na si Ilocos Sur Congressman

Deogracias Victor “DV” Savellano.

Samantala, ang Anak ni Waray Vs. Anak ni Biday, is premiering on Monday, January 27, after 24 Oras.