Ikinasal na ang dating child actress na si Krystal Reyes sa kanyang non-showbiz boyfriend na si Lawrence dela Cruz.

Naganap ang pag-iisang dibdib ng dalawa sa Saint Gabriel the Archangel Parish Church, sa Caloocan City, noong February 11, 2025.

Dinaluhan ito ng kani-kanilang pamilya at malalapit na kaibigan.

Kahapon, February 12, ipinost ni Krystal ang video clip sa naganap na kasal nila ni Lawrence.

Dito makikita si Krystal na nakasuot ng silk off-shoulder wedding gown.

Ang kanya namang groom ay nakasuot ng simple black suit.

Caption ni Krystal, “Wedding day [white heart emoji].”

CONGRATULATORY MESSAGES FOR KRYSTAL AND LAWRENCE

Sa comments section ng post ni Krystal, ilan sa kanyang dating nakatrabaho at fans ang nagpahatid ng pagbati sa kanila ni Lawrence.

Komento ni Bea Binene, “Omygahd. Congratulations!!!! God bless your family, JM!!!”

Saad ng GMA News reporter na si Aubrey Carampel, “Congrats, Krystal and hubby!”

Sabi naman ng isang fan ni Krystal, “Congrats idol krystal. God bless you both.”

Dagdag pa ng isa, “Congratulations and best wishes.”

March 25, 2024 nang mag-propose si Lawrence kay Krystal sa isang private resort sa Basco, Batanes.

WHO IS KRYSTAL REYES?

Si Krystal, o Jolina Marie Bautista Reyes sa totoong buhay, ay unang nakilala sa kanyang pagganap bilang batang Krystal sa 2006 hit GMA-7 drama series na Bakekang.

Kabilang pa sa mga teleseryeng tinampukan niya ay ang Mga Mata ni Anghelita (2007), Kaputol Ng Isang Awit (2008), Rosalinda (2009), Bantatay (2010-2011), Munting Heredera (2011-2012), Anna Karenina (2013), Carmela (2014), at Healing Hearts (2015).