Naging mainit na usapin sa social media ang biro nina Karla Estrada at Jane De Leon kay Kaladkaren bilang co-judge sa isang segment ng It’s Showtime noong Sabado.

Habang nagbibigay ng komento si Kaladkaren bigla na lamang tumayo sina Jane at Karla at iniwan ito at sinabing tila hindi na sila kailangan dahil kayang-kaya na nito mag-isa ang pagiging judge. Ayon pa kay Karla, pinagtatanggol lamang niya ang kaibigang si Ruffa Gutierrez na na bash matapos magkomento nito tungkol sa sagot ng isang contestant.

Matatandaang nabash si Ruffa dahil sa diumano’y paglalagay nito ng political color sa naging komento nito tungkol sa sagot ng isang contestant. Habang pinuri naman ang komento ni Kaladkaren dahil sa pagpunto nito na kahit gaano pa man kasikap at katyaga ng ibang mamamayan ay hindi pa rin umuunlad dahil sa bulok na sistema.

Uminit naman ang ulo ng ilang mga netizens dahil sa umano’y smart-shaming ni Karla kay Kaladkaren. Komento ng ilan mga netizens na feeling entitled umano itong si Karla Estrada kung mamahiya kay Kaladkaren. Nagbibigay lamang umano ng opinyon si Kaladkaren at kabastusan ang ginawa nina Karla at Jane. Hindi umano ito nakakatuwa bagkus nakakasakit pa ito ng damdamin.

Samantala nilinaw na noon ni Kaladkaren na bagama’t magkaiba sila ng sinusuportahan presidente ni Karla Estrada, nananatili pa rin ang pagkakaibigan nila. Sa katunayan, envited pa ito noong opening ng KFC business ni Karla sa Tacloban City sa Leyte.

Sa kabilang banda, naging guest naman ni Kaladkaren si Ruffa sa isang vlog niya. Nagpapatunay lamang ito na walang sama ng loob sa pagitan nila at nananatili pa rin silang magkaroon. Naging OA lamang ang ilang mga netizens at tila pinag-aaway pa ang dalaga.