Marian Rivera, tinarayan at pinaiyak si Ivana Alawi

Nagulat si “FPJ’s Batang Quiapo” star Ivana Alawi sa biglang pagbabago ng ekspresyon ni “Kapuso Primetime Queen” Marian Rivera.

Sa isang bahagi kasi ng latest vlog ni Ivana nitong Miyerkules, Disyembre 27, tinanong sila ng kapatid niyang si Mona Alawi kung may chance daw ba silang magkasama sa isang teleserye o movie project.

“Ay, ‘Day, baka di ko pa call time nandoon na ako,” natatawang sabi ni Ivana.

“Ba’t late ka kanina,” tanong naman ni Marian.

Isko Moreno, binisita si Doc Willie sa Singapore

Bigla namang natigilan si Ivana sa tanong na iyon ng Primetime Queen at nahihiyang ngumiti.

“Alam mo bang ayaw na ayaw ko ng late. Kanina sabi ko kay Paolo: ‘Paolo, ano na? Bakit ang tagal?’ Bakit ka late?” saad ni Marian sa seryosong tono.

“Ayaw ko na ngang gawin ‘to, e. Ayan, pinaalala mo. Naku, hate ko pa naman ‘yan,” dagdag pa niya.

Sey ni Ivana: “Hindi po, next time po maaga ako.”

“Wala nang next time. Last mo na ‘to,” sabi pa ni Marian.

Pinagsabihan tuloy siya ni Marian na hindi raw magandang attitude ng isang artista ang pagiging late. Halos isang araw daw kasing naghintay si Marian sa kaniya.

Sa inis ni Marian, pati ang pagkaing inihain sa kaniya ay napuna niya rin.

“Tapos ito lang handa mo sa akin? Crab lang?” reklamo ng aktres.

Pero sa huli ay ni-reveal nina Mona na bahagi lang daw iyon ng kanilang pakulo para i-prank si Ivana.

Bago pa kasi mangyari ang nasabing vlog, kinausap na ni Mona through video call si Marian at sinabing sungitan ang kaniyang kapatid.

“Ang alam po ni Ate is magmumukbang lang po kayo. ‘Yun po kasi ‘yung usually na ginagawa niya. Pero sungitan mo po sana siya,” sabi ni Mona.

“Anong level ‘yung gusto mo?” tanong ni Marian.

“’Yung level po sana na maiiyak si ate,” sagot ni Mona.

Nagtagumpay naman ang kanilang plano dahil nagawang paiyakin ni Marian si Ivana dahil sa mga sinabi nito sa aktres.