Babu na talaga kay Derek

Meron uling nangyayaring mga pagbabago sa gaga­wing horror movie ni Kris Aquino, Salve. Bigyan kita pang headline mo, hindi na si Derek Ramsay ang magiging leading man niya. At naloka ako na parang Alpha Omega ang project na ito ni Kris. Iyong very first crush niya at huling love niya ang makakasama niya sa (K)Ampon.

Hindi ko ma-imagine kung ano  naughty things ang mang­yayari sa set, knowing kapilyahan ni Kris Aquino, sure ako iiral ang pagkamaldita niya at gagawa ng mga eksena.

Ito na ang pang-headline mo Salve, tuloy na si Gabby Concepcion ang magiging partner niya.

AiAi kakarerin ang pagbubuntis

Kaloka si AiAi de las Alas ha? Talagang gusto pa niya na magkaroon sila ng baby ni Gerald Sibayan sa tulong ng science.

Sinabi ni AiAi ang plano nila ni Gerald sa presscon kahapon ng And Ai Thank You, ang movie niya sa Reality Entertainment Inc. na showing sa cinemas nationwide sa August 14.

I’m sure mage-enjoy na naman ang lahat sa bagong project ni AiAi na ginagawa rin ang movie with Coco Martin na plano na isali sa Metro Manila Film Festival sa December 2019.

Anyway, maganda at interesting ang trailer ng And Ai Thank You kaya suportahan natin ang pelikula ni AiAi na malapit nang mapanood sa mga sinehan.

 ‘Pag di na puwedeng i-save, let it go’

Nakakaloka ang teleserye nina Bea Alonzo, Julia Barretto at Gerald Anderson. Bongga lalo pa ngayon na nagsasalita na ang tatlong side.

Ang ganda ng sagot ni Julia na palaban, okay din ang revelation ni Gerald at cute ang mga pa-misteryoso at pahaging na mga post ni Bea.

Actually, sa laro ng pag ibig, hindi mo masasabi na may naapi kasi nga, lahat naman siguro nakatikim din ng ligaya.

Sa kahit anong relasyon, risk talaga ang bawat araw at oras dahil may emotional changes not only with you but also the people around you.

Ang kahit anong relasyon, be it personal or friendship level, ipinaglalaban para magtagal pero kung hindi na puwedeng i-save, let it go.

May mga tao na hindi confrontational kaya sa halip na harapin, iniiwan na lang ang problema. Sinabi ni Gerald na ayaw na niyang magkasakitan pa dahil sa dalas ng pag-aaway nila ni Bea so lumayo siya.

Sabi naman ng side ni Bea, hindi totoo na walang third party, ang sabi ni Julia, binu-bully siya at paawa effect lang si Bea dahil matagal na silang break ni Joshua Garcia kaya free as a bird siya.

Sa case nila, mas parang soap opera ang istorya na sana hindi tragic ang maging ending. Na sana meron sa kanila na magkaroon ng happy ending at ‘yung maiiwan, maka-move on din at makita ang kaligayahan nila. They all enjoyed ang relasyon nila noong una so kahit papaano, nagkaroon din sila ng happy memories.

Now, huwag nang magpaawa effect, mas bongga ang peg na your loss not mine, at I am the one that got away.