Raymart Santiago, Jodi Sta. Maria inilantad na ang kanilang relasyon

Sa post sa Instagram ng talent manager na si Noel Ferrer ngayong September 30, ibinahagi nito ang isang litrato kung saan magkayakap sina Raymart Santiago at Jodi Sta. Maria.

Ayon sa caption ng larawan, kompirmadong may relasyon na ang dalawa.

“WE ARE HAPPY THAT YOU ARE HAPPY!!! @raymartsantiago @jodistamaria GOD BLESS YOU BOTH!” sabi ni Noel.

Bumuhos din ang congratulatory messages sa kanila ng kanilang mga kaibigan na celebrities at mga taga-subaybay.

Kapwa single ngayon sina Raymart (47) at Jodi (38).

Si Raymart ay hiwalay na sa kanyang asawa na si Claudine Barretto since 2014, at may dalawa silang anak , sina Sabina at Santino. Hindi pa final ang annulment case nila magpahanggang ngayon.

Si Jodi ay matagal na ding single matapos niyang wakasan ang relasyon niya kay Jolo Revilla noong 2018.

READ: Court of Appeals denies Jodi Sta. Maria’s plea to reconsider annulment case

Dati ring kasal si Jodi kay Pampi Lacson ngunit nakipaghiwalay ito noong 2011 matapos ang limang taong pagsasama. May isa silang anak, si Thirdy.

Hindi man naging ‘forever’ ang pagsasama nila, naging mabuti ang naging relasyon ni Jodi kay Pampi at sa bagong pamilya nito kasama ang aktres na si Iwa Moto.