Viva president Vincent del Rosario on their renewed relationship with Nadine Lustre: “I guess we found love the second time around.”

Photos: Anna Pingol / Melo Balingit

Ani Viva president Vincent del Rosario, maski sila sa Viva ay bilib din sa pag-e-evolve ni Nadine at sa kung saan nito gustong dalhin ang kanyang karera. “Creatively naiintindihan n’ya how to evolve in this business. Galing. Galing din n’ya. Alam n’ya ‘yong gusto n’ya.”

During the Deleter  victory party in early January, natanong ng entertainment press si Nadine Lustre kung tuluyan na bang na-plantsa ang naging alitan nila ng Viva na my kinalaman sa kanyang kontrata as an exclusive artist ng nasabing entertainment giant.

Hindi na nag-detalye si Nadine kung paano na-plantsa ang gusot but she likened the situation as “tampuhang pamilya.”

“Kahit naman saang pamilya, hindi nawawala ‘yong meron kayong hindi pagkakaintindihan…”

But all’s well that ends well, sabi nga.

“I’m happy to be working with Viva again,” dagdag pa niya.

Kamakailan, muling humarap sa press ang magkapatid na Vincent at Valerie del Rosario, president and COO and SVP for Content Creation and Development respectively ng Viva. The small get-together with the press ay para mas ipakilala pa ang bagong nilang inilulungsad na streaming app na Viva Prime,  ang younger sibling ng Vivamax.

Moreover, gusto pa nilang maglatag ng mga grand plans ng Viva for the year, including producing 70-plus movies (with intermittent digital series) for Viva Prime, Vivamax at ‘yong mga pang-theatrical release.

There, natanong din ang del Rosario siblings kung maayos na talaga ang lahat sa pagitan ng Viva at ni Nadine.

It was Viva prexy Vincent who responded to the query.

“Si Nadine has, previous to Deleter, done one for Vivamax, ‘yong Greed,” panimulang kuwento niya. “Risque siya because of the violence [na tema]. ‘Yon nga, we reiterate, marami tayong mga big stars that have done films for Vivamax. Si Nadine has done Greed and is doing a new series for us now. So, tuloy-tuloy ang work.

“She’s happy, she has a hit song na parang ‘Tala,’ matagal ng ni-record pero naging hit ngayon because of TikTok.

“I guess we found love the second time around between Viva and Nadine. Happy… happy kaming lahat. I guess happy rin s’ya. May ginagawa sila ni Val ngayon na exciting. Kay Ray Red. Iba naman, iba naman. Masaya ‘yon.”

He went on to say na bilib din sila sa pag-e-evolve ni Nadine at sa kung saan nito gustong dalhin ang kanyang karera.

“Si Nadine naman very conscious… I think after nu’ng relationship n’ya kay James [Reid], very conscious s’ya na i-establish n’ya ‘yong sarili n’ya na independent from James.

“So, even ‘yong mga projects na pinipili n’ya sa amin, medyo nasa edgy side… Greed, Deleter, at itong gagawin niya ngayon. Hindi s’ya masyadong reliant on romance, love team…. may ano s’ya…magaling din. Creatively naiintindihan n’ya how to evolve in this business. Galing. Galing din n’ya. Alam n’ya ‘yong gusto n’ya,” pagtatapos ni Vincent del Rosario.