PROUD PARENTS DINGDONG AND MARIANšāØā¤ļø
Very supportive sina Kapuso Primetime King and Queen Dingdong Dantes at Marian Rivera sa hilig at talento ng kanilang mga anak.
All-out ang suporta ng Kapuso power couple na sinaĀ Dingdong Dantes at Marian RiveraĀ sa kanilang panganay na anak na siĀ ZiaĀ matapos ang first stage performance nito kamakailan.
Sa “Chika Minute” report ni Lhar Santiago para saĀ 24 Oras, very supportive ang Kapuso Primetime King and Queen sa hilig at talento ng kanilang mga anak. Matatandaan na ipinamalas ng unica hija nina Dingdong at Marian ang kanyang vocal skills sa stage.
“First time po niya mag-perform sa harap ng mga tao, bukod sa amin, na talagang may mic, may stage, may banda, may ilaw na gano’n. It’s a first for us, that’s why we are such proud parents,” ani Dingdong.
Ibinahagi naman ni Marian sa kanyang Facebook page ang ilang posts ng rehearsals ni Zia pati ang mga larawan nilang mag-ina, kung saan inaayusan ng award-winning actress ang kanyang anak.
“Hindi ako magsasawang pakinggan ‘yung boses ng anak ko kasi every time na papasok siya at may rehearsal siya, nandoon talaga ako sa likod niya. Sabi ko nga kay Zia, palagi niyang tatandaan na all-out kami ng daddy niya sa kanya sa kahit ano’ng gusto niyang gawin, susuportahan namin siya,” saad ni Marian.
RELATED GALLERY: THE INSPIRING PURSUITS OF ZIA DANTES
Samantala, ipagdiriwang ng showbiz couple ang kanilang 10th wedding anniversary ngayong buwan. Ikinuwento rin nina Dingdong at Marian ang kanilang plano para sa espesyal na okasyong ito.
“We are celebrating our 10th wedding anniversary. Kaunting reminiscing tapos celebrate lang namin with family and close friends,” kuwento ni Dingdong.
Dagdag ni Marian, “Alam mo, Tito Lhar, kay 10 taon man ‘yan o 20, ang mahalaga ‘yung araw-araw naming pagsasama. So ‘yun ang sine-celebrate namin.”
Panoorin ang buong panayam nina Dingdong Dantes at Marian Rivera sa video na ito.
