Malungkot na ibinahagi ni Mikee Morada sa isang emosyonal na panayam sa ‘Toni Talks’ na muling nakunan ang aktres-vlogger na si Alex Gonzaga.

Kamakailan lamang ay inimbitahan ni Toni Gonzaga ang kanyang bayaw na si Mikee sa ‘Toni Talks’ para sa isang isang panayam patungkol sa nangyari sa pinagbubuntis ni Alex.

Naitanong ni Toni kay Mikee kung ang pangatlong pagkakataon na nakunan si Alex noong December 2024 ay ang pinakamasakit na pinagdaanan nilang mag-asawa.

Tanong ni Toni : “Now, itong third one na nangyari nung December, ito ba yung pinakamasakit?”

Mikee, inamin sa ‘Toni Talks’ na nasurprised sila ni Alex Gonzaga sa muli nitong pagbubuntis

Ibinahagi ni Mikee na sobrang na surprised sila sa muling pagbubuntis ni Alex sa pangatlong pagkakataon, agad-agad umano silang nag-ingat at nagpa-konsulta sa doktor.

Ani Mikee : “Kami ni Catherine… nung nalaman naming pregnant siya, kasi feeling namin nabuo ‘to nung birthday ni Mommy Pinty sa Singapore. Hindi namin talaga akalain, wala talaga kaming plano.

“Nung nalaman namin na pregnant kami for the third time, nagpa-check up kami kaagad sa OB and okay naman. Tapos nag-decide kami na mag-iingat na talaga siya.

“The second week, okay pa yung ultrasound, hanggang dun sa pangatlong linggo eh sabi samin nung doctor, ‘Nako, wala na namang laman. Blighted ovum ulit” pahayag ni Mikee.

Mikee Morada, naluha matapos marinig ang heartbeat ng kanilang baby

Matapos nagpa-konsulta sina Mikee at Alex sa doktor, napag-isipan nila na magpa-second opinion sa ibang doktor.

Ani Mikee : “Sakto, nag-text yung iyong OB, parang kinukulit siya, ‘Daan ka naman. Visit ka.’ Siguro, blessing ni Lord, naisip namin na, ‘Sige, pa-second opinion tayo dun.’ The week after, nagpunta kami. Pagdating namin dun sa ultrasound na yun, yun na yung pang-apat. May bata sa loob, may baby..

“Naiyak ako nung narinig ko yung heartbeat. First time kong nakarinig ng heartbeat. nalaman namin na mababa yung heartbeat, na 65 lang.

“So that same day, pumunta kami sa ospital, triny namin habulin, baka ma-save pa yung baby. Ginawa namin lahat, nung dumating ‘yung December 28, […] nakita na namin ‘yung embryo, ‘yung baby pero wala na siyang heartbeat,” pagbabahagi ni Mikee.