Inasar ng komedyanteng si Vice Ganda ang mga bashers ng It’s Showtime tungkol kay Sofronio Vasquez na dating ‘Tawag Ng Tanghalan’ contestant.

Kung ating matatandaan, isa si Sofronio sa mga naging contestant ng isang segment ng It’s Showtime na ‘Tawag Ng Tanghalan’ ngunit hindi siya pinalad na maging kampyon.

Ngunit hindi sa ‘Tawag Ng Tanghalan’ nagtatapos ang pangarap ni Sofronio dahil nakaraang buwan lamang, siya ang itinanghal bilang ‘The Voice US’ Season 26 Grand Champion.

It’s Showtime, binatikos

Dahil sa pagka-panalo ni Sofronio sa ‘The Voice US’, naka-tanggap ito ng mga congratulatory messages mula sa mga host ng It’s Showtime live on air.

Dito na simulang umingay ang mundo ng social media dahil ayon sa mga netizens, ngayon lang nila binigyan ng pansin ang talento ni Sofronio dahil nasa International stage na ito at nasungkit pa ang pagiging Grand Champion.

Samantalang hindi raw ito nanalo sa kompetisyon ng ‘Tawag Ng Tanghalan’ at ngayon raw ay nakiki-credit umano ang It’s Showtime lalo na ang ABS-CBN kay Sofronio ayon sa mga netizens.

Vice Ganda, sinupalpal ang mga bashers

Sa muling pagbabalik ni Sofronio sa Pilipinas matapos ang kanyang matagumpay na kompetisyon sa Amerika, muli siyang bumisita sa entablado ng It’s Showtime.

Dito na ibinahagi ni Vice ang ingay at batikos na kanilang natanggap dahil sa pagka-panalo ni Sofronio sa ‘The Voice US’.

Ani Vice kay Sofronio : “Alam mo ba? binati ka lang namin dito sa It’s Showtime ang daming nag-talakan sa Twitter..

“Ngayon pinapansin niyo si Sofronio..ngayon ina-angkin niyo si Sofronio”

Pagbabahagi ni Sofronio : “Hindi rin po nila alam na hindi po tumigil yung pangarap ko sa competition..

“Yung Showtime po mismo ang nagbigay sa’kin ng trabaho ginawa po akong vocal coach.” dagdag ng singer.

Dagdag pa ni Vice : “After niya mag-TNT, he stayed..naging vocal coach siya ng mga contestant ng TNT, hindi niyo alam ‘yon kaya talagang Kapamilya siya.. kaya.. [inasar ang basher na nakalabas ang dila].