Alden Richards warns vs fake tweets about KathNiel

Nagbabala sa publiko ang Kapuso TV host-actor na si Alden Richards hinggil sa kumakalat na umano’y tweets niya patungkol sa kanila ni Kathryn Bernardo at dating boyfriend nitong si Daniel Padilla.
Sa panayam ni Alden sa 24 Oras nitong Miyerkules, May 15, 2024, iginiit niyang hindi siya ang nasa likod ng mga kumakalat na tweets na direktang pinapasaringan ang ex-boyfriend ni Kathryn na si Daniel.
Saad ng aktor, “Kahit kailan po hindi po ako magko-comment ng kahit anong defamatory words to someone na hindi ko naman masyadong nakakasama at wala naman akong karapatan na manghusga sa taong tinutukoy dun sa mga fake tweets na kumakalat.”
Hindi binanggit ni Alden kung ano mismong tweet ang pinapatungkulan niya.
Ngunit kamakailan ay pinag-usapan online ang post ng isang Facebook page tungkol sa isang fake tweet ni Alden para kay Daniel.
Sa pekeng post, pinalabas ang animo’y X (dating Twitter) ni Alden patungkol sa diumano’y panloloko ni Daniel kay Kathryn, kaya sila nagkahiwalay
Mababasa rito (published as is): “Kathryn, gave her love and trust to you pati na ang future nya for how many years pero niloloko mo lang pala.
“On cam ka lang pala loyal at sweet pero sa likod ng camera, dugong Padilla ka talaga.
“Please bro, wag mo nang guluhin pa si Kath, huwag kang selfish. Masaya na sya ngayon sa mundong ginagalawan niya.”
Kung titingnan, mapagkakamalan talagang galing ito sa X account ni Alden, dahil in-edit ang kanyang litrato maging ang username para mapagkamalan itong totoo.
Matatandaang nabaling kay Daniel ang sisi sa nangyaring hiwalayan nila ni Kathryn dahil nagkaroon umano ito ng lihim na relasyon sa aktres na si Andrea Brillantes.
Bukod pa diyan ang pagdikit sa pangalan niya sa iba pang mga babae, dahilan para isipin ng marami na makailang beses niyang pinagtaksilan si Kathryn.
ALDEN RICHARDS REMINDS PUBLIC
Giit ni Alden, kailanman ay hindi siya nag-post ng ganito.
Pinaalalahanan din niya ang publiko na huwag agad maniniwala sa mga nakikita sa social media, bagkus ay ugaliin daw na magsiyasat at mag-fact check kung ito ba ay may katotohanan.
Mensahe ni Alden, “Ingat lang po tayo sa fake news dahil ang social media po, e, pugad ng fake news.
“So not until yung mga official accounts po ng mga artista ang nag-post nung mga tweets na kumakalat diumano, e, huwag po nating agad paniwalaan at mag-fact check po muna tayo bago tayo mag-call out ng judgment.”
ALDEN-KATHRYN SIGHTINGS
Ang pahayag na ito ni Alden ay malaking bagay sa mga tagahanga ng dating tambalan nina Kathryn at Daniel o KathNiel.
Lalo’t nauugnay ngayon si Alden sa Kapamilya actress na si Kathryn.
Sa katunayan, mayroon na ring nabuong tambalan sina Alden at Kathryn, ang “KathDen” matapos nilang bumida sa Hello, Love, Goodbye.
Simula nito, sini-ship na sila ng kanilang mga tagahanga lalo na ngayon na parehas silang single matapos mahiwalay ni Kathryn sa long-time boyfriend niyang si Daniel noong November 30, 2023.
Nagpadagdag pa sa kilig ng fans ang madalas nilang pagsasama sa private events, tulad noong 28th birthday at house warning party ni Kathryn
Palaisipan din ang naging sagot ni Alden kay Nelson Canlas sa 24 Oras noong April 10 nang siyasatin siya sa tunay na relasyon nila ni Kathryn.
“What you see is what you get,” tipid na pahayag ng aktor.
Hindi na rin daw niya kailangan ipaliwanag pa ang relasyon nila ng aktres lalo na’t kung ano ang nakikita sa kanila ng iba sa social media ay ganoon din sila sa personal.
Ang tanging masasabi raw ni Alden ay masaya siyang makitang masaya si Kathryn.
Noong May 12, 2024, muling nasilayan ng publiko na magkasama sina Alden at Kathryn nang parehas silang dumalo sa 52nd Box Office Entertainment Awards ng Guillermo Mendoza Memorial Scholarship Foundation (GMMSF).
Pinarangalan sila bilang Box Office King and Queen.
Napapabalita ring nililigawan ni Alden, bagay na hanggang ngayon ay hindi pa niya kinukumpirma sa publiko.
Ngunit base sa nakalap na impormasyon ng PEP.ph (Philippine Entertainment Portal), lagpas friendship level na umano ang pagkakamabutihan nina Alden at Kathryn.
Sabi ng isang source ng PEP.ph, walang kinalaman sa trabaho ang private parties ni Kathryn na dinaluhan ni Alden, at makikita roong nag-e-enjoy ang mga ito sa company ng isa’t isa.
Alden talks about closeness to Kathryn
Sa panayam ni Alden sa Preview nitong May 2024, naging bukas siyang pag-usapan ang nabuong relasyon nila ni Kathryn.
Ayon sa aktor, matapos nilang gawin ang box-office hit na Hello, Love, Goodbye noong 2019 ay nagtuluy-tuloy lamang ang pagkakaibigan nila ni Kathryn.
Dagdag pa niya, ano man daw ang mayroon sa kanila ay nais niya itong gawing pribado at personal.
Lahad niya sa Preview, “The friendship never ended. Naging solid din talaga yung samahan naming lahat [when we were filming].
“And right now, I’m just quite overwhelmed. Whatever is happening between Kath and I, I really want it to be personal.”
News
Drew Arellano May Nakakaantig Na Video Ni Iya Villania Kasama Ang Bagong Silang Na Anak
Nagbigay ng kaligayahan sa mga netizens at mga sikat na personalidad ang bagong video na ibinahagi ni Drew Arellano…
Sunshine Cruz, Cesar Montano Magkasamang Ipinagdiwang Ang Graduation Ng Anak
Ang unang anak ng dating mag-asawang Sunshine Cruz at Cesar Montano na si Angelina Isabelle ay nagdiwang ng isang…
Elisse Joson’s Shocking Revelation About Her Latest Breakup With McCoy!
The romantic journey of showbiz couple Elisse Joson and McCoy de Leon has been under the public eye for quite…
“Vilma Santos and Jessy Mendiola are in shock as Baby Peanut’s condition takes a drastic turn—this is worse than anyone expected!”
The heartbreaking reality surrounding Baby Peanut’s health has left many of his loved ones, including prominent stars Vilma Santos and…
‘Wasted five years of my life’: Moira Dela Torre’s new song sparks rumors about ex Jason Hernandez’s cheating
Moira Dela Torre and Jason Marvin Hernandez with their dogs Caramel and Pochi Moira Dela Torre via Instagram MANILA, Philippines…
SHOCKING NEWS: Moira Dela Torre Reveals She’s Pregnant! Sam Milby Is Going to Be a DAD—What Happens Next?
Moira Dela Torre Announces She’s Pregnant! Sam Milby Set to Become a Father! In a heartwarming announcement that has sent…
End of content
No more pages to load