Kumakalat ngayon ang mga tsismis na ang Eat Bulaga ng TVJ ang papalit sa Kapamilya noontime show na It’s Showtime sa noontime slot ng TV5 simula ngayong darating July. 

Nitong June 6 lamang ay opisyal nang inihayag ng Mediaquest Holdings, Inc. na magkakaroon ng bagong palabas sa TV5 ang iconic trio at ang iba pang Dabarkads na umalis sa TAPE Inc.

Agad naman itong ikinatuwa ng mga tagahanaga at supporters ng TVJ at iba pang mga umalis na Eat Bulaga hosts sa TVJ.

Ipinahayag naman ni Tito Sen ang kanyang malaking pasasalamat sa naganap na partnership. Ang partnership na ito sa pagitan ng Eat Bulaga at Mediaquest Holdings ay magbibigay-daan sa kanila na magpatuloy sa pagbibigay ng saya, premyo, at entertainment.

Subalit, ikinabahala naman ito ng mga It’s Showtime fans dahil may lumabas na balitang maaring itake-over ng show ng TVJ ang noontime slot ng It’s Showtime. Dahil matatapos na ang kontrata ng It’s Showtime sa Kapatid network sa darating na June 30, 2023.

Gayunpaman, sinabi rin na mapapanood pa rin ang It’s Showtime sa iba pang channel gaya ng Kapamilya Channel, A2Z Channel 11, Kapamilya Online Live, at iWantTFC livestream.

Usap-usapan na ang Kapamilya noontime show ay ipapalabas sa TV5 pero babagsak ito bilang delayed telecast.

Samantala, nauna nang ipinahayag ni Tito Sotto na gagamitin pa rin nila ang pamagat na Eat Bulaga sa kanilang show sa TV5 kahit pa patuloy pa ring pinapalabas ng GMA7 ang iniwan nilang Eat Bulaga under TAPE Inc.

Muling iginiit ni Tito Sotto na sila ang mas may karapatan na gumamit sa title ng Eat Bulaga dahil sila ang may hawak sa copyright nito.