Mahinahong sinagot ni Janine Gutierrez ang nanlait sa kanyang 2025 calendar layouts para sa Asia Brewery, Inc. (ABI).

Si Janine ang napili ng nasabing liqour brand para maging 2025 Calendar Girl nila.

Ipinakilala si Janine bilang kanilang calendar girl noong nakaraang December 2, 2024, sa Green Sun Hotel, Makati City.

JANINE GUTIERREZ REPLIES TO BASHER

Sa kanyang Instagram ngayong araw, December 16, 2024, may isang netizen na nagkomento na grabe umano ang pagkaka-edit sa apat ma layouts ng mga larawang ginamit sa kalendaryo.

Payat daw siya sa mga larawan, pero noong official launch sa kanya bilang endorser ay “ang taba” daw niya.

Buong komento nito (published as is), “Grabe pagkaka edit ah Napakanipis nya sa mga photo nya Pro nung launching ang taba niya po Grabe ang photoshop@asiabreweryofficial”

Hindi naman pinalampas ni Janine ang komentong ito.

Nagpaliwanag siya kung bakit nadagdagan ang kanyang timbang, na ipinagtataka ng nasabing netizen.

Marami raw kasi siyang dinaluhang aktibidades na may mga pagkain kaya hindi raw niya sinusunod ang strict diet niya bago ang launching ng kanyang endorsement.

Buong paliwanag ni Janine (published as is): “i can see how this can be confusing!

“we shot the calendar in october and the launch was in december in those two months, i went to japan for the film festival, attended thanksgiving parties for our show, and really took a break from strict diet and workout.

“I always take it easy during the holidays and enjoy my body in its different shapes, you should too!”

JANINE GUTTIEREZ ON BEING CHOSEN AS CALENDAR GIRL

Sa panayam ng PEP.ph (Philippine Entertainment Portal) at ilan pang media noong launching, sinabi ni Janine na masaya siya at excited sa nalalapit na Bagong Taon.

Aniya, “I’m so excited!

“And, um, yun din ang nararamdaman ko, na ang dami ko talagang pinagpapasalamat na nangyari this 2024, and I’m so excited to be opening 2025 with another milestone for me.”

Natutuwa rin siya na pinagkakatiwalaan siya ng ABI para maging mukha ng kanilang kumpanya sa susunod na taon.

Sabi ni Janine: “I’m so honored that they thought of me.

“Sobrang thankful ako na ako yung napili nila to represent their brand.

“At sobrang kinikilig ako na their explanation was that since it’s a variety of products, naniniwala sila sa versatility ko bilang artista, that I’ll be able to bring out these different characters.

“So, I’m just feeling very happy and grateful.”