Jay Manalo (left) on reunion between his half-brother Julius Manalo (in police uniform) and his Korean mom Oh Geum Nim (right): “I am very happy na nagkita na rin sila ng nanay niya.”
PHOTO/S: TikTok / TV Chosun
“I am very happy na nagkita na rin sila ng nanay niya.”
Ito ang pahayag ng aktor na si Jay Manalo sa Cabinet Files tungkol sa pagkikita ng kanyang kapatid na si Julius Manalo at ang Korean mother nitong si Oh Geum Nim.
Isang police officer si Julius sa Manila Police District.
Dati rin siyang player ng Maharlika Pilipinas Basketball League, kung saan naglaro siya para sa mga koponang Valenzuela Classics at Manila Stars.
Sa loob ng tatlumpu’t isang (31) taon, hindi nakita ni Julius ang kanyang ina dahil sa edad na anim, mula sa South Korea ay iniuwi siya sa Pilipinas ng ama niyang si Eustaquio Manalo Jr.
Baby Julius with his parents Oh Geum Nim and Eustaquio Manalo Jr.
Photo/s: Julius Manalo via Kapuso Mo, Jessica Soho
Matagal na nangulila si Julius sa kanyang ina. Hindi siya tumigil sa paghahanap dito.
Noong nakaraang buwan, muli silang nagtagpo sa South Korea sa tulong ng programang Mommy’s Spring Day ng TV Chosun.
Napanood sa buong mundo ang pagtatagpo ng mag-ina.
Maraming mga tao ang pinaluha ng kanilang makabagbag-damdaming eksena na higit pa sa mga kuwento ng mga madadramang Koreanovela na sinusubaybayan ng mga Pilipino.
Read more about
Jay Manalo
Julius Manalo
The very touching reunion of Julius Manalo and his Korean mother Og Geum Nim
Photo/s: TV Chosun
JAY MANALO’S OWN STORY
Pero hindi nagkakalayo ang kuwento ng buhay nina Jay at Julius.
Sa edad na anim, nawalay rin ang aktor sa kanyang Vietnamese mother na si Kim Lan Jones.
Miyembro ng banda at bass player ang ama ni Jay, samantalang mang-aawit ang Vietnamese mother niya.
Si Jay ang naging bunga ng pagmamahalan nina Eustaquio at Kim Lan.
Unang nabigyan ng pagkakataon si Jay na muling makita ang kanyang Vietnamese mother matapos ang matagal na panahong wala silang komunikasyon sa isa’t isa.
Gaya ng kuwento ng pagtatagpo nina Julius at Oh Geum Nim, marami ang pinaluha ng pagkikita nina Jay at Kim Lan Jones noong 1995.
Nagsisimula pa lamang ang showbiz career noon ni Jay nang mangyari ang reconciliation nila ng kanyang ina, na matagal nang naninirahan sa Amerika dahil nakapag-asawa ng U.S. serviceman.
Jay Manalo
