Kumakalat ngayon sa ilang mga social media platforms ang isang video na ibinahagi ng isang Instagram account ng mga tagahanga ng Queen Of All Media na si Kris Aquino. 

Ang nasabing video ay kuha noong ika-17 na kaarawan ng bunsong anak ni Kris Aquino na si Bimby Aquino noong April 19, 2024 sa pagbisita ni Vilma Caluag.

Makikita sa video na masayang nakikipag-usap si Kris Aquino at masigla pa nitong ipin-flex ang kanyang suot na jacket na may nakasulat na ‘you deserved me be Happy’.

Napansin naman ng maraming mga netizens ang pagiging energetic ni Kris Aquino. Tila nawala na rin umano ang panlalanta nito dala ng kanyan mga karamdaman.

Dahil dito naghinala ang mga netizens na bumubuti na ang kalagayan ngayon ng Queen of All Media at gumagana na ang mga gamot na itinurok rito para sa kanyang mga autoimmune diseases.

Hiling naman ngayon ng mga taong lubos na nagmamahal kay Kris Aquino na sana ay tuluyan na itong gumaling mula sa kanyang mga kalagayan at sana ay mabigyan pa ito ng mahabang panahon para makasama niya ang kanyang mga anak na sina Josh at Bimby.

Samantala, nagbigay ng pahiwatig si Kris Aquino na magtatagal pa sila sa Amerika dahil inaasikaso na ngayon ni Bimby ang kanyang US Student VISA upang doon na ipagpatuloy ang kanyang pag-aaral.

Sa ngayon ay hindi pa naman nagbibigay ng buong detalye si Kris Aquino kung ano na ang update ng kanyang pagpapagamot bukod sa kanyang pag-amin na natatakot siyang hindi na niya maabutan ang ika-18 na kaarawan ni Bimby Aquino na kaka-celebrate pa lamang ng 17th birthday nito.