Hindi napigilan ng aktor na si Tom Rodriguez ang sumagot sa komento ng isang netizen tungkol sa hiwalayan nila ng asawang si Carla Abellana.

Kasalukuyang nasa Arizona, USA si Tom Rodriguez kasama ang kanyang pamilya. Tila wala pa sa isip nito na bumalik sa Pilipinas.

Makalipas ang mahigit isang buwang pananahimik, muling nagpost ang Kapuso actor sa kanyang Instagram. Noong weekend muling nagbahagi ng post si Tom kung saan makikita siyang tumutugtog ng piano sa isang awitin ni John Mayer. Kasunod nito, ibinahagi naman niya ang isang video clip kung saan makikita siyang nasa veranda habang tinatanaw ang magandang tanawin.

Sa comment section ng post ni Tom, makikita ang ilang komentong nagsasaad na namimiss na nila ang aktor at may ilan pa rin mga fans na umaasang magkakabalikan sila ni Carla Abellana. Hiling naman ng iba na kung sakaling hindi na talaga maibabalik ang kanilang pagmamahalan, sana naman umano ay mapapanatili nila ang kanilang friendship.

Samantala, may mga netizens rin na nambabatikos kay Tom. Tila ipinupunto nito na isa sa kanila ni Carla ang hindi nakakalimot at hindi marunong magpatawad. Inalmahan naman ito ni Tom at pinagsabihang hindi kailangan ng mundo ng pagpapahiya sa iba. Dagdag pa ni Tom, “Let’s cultivate some positive vibes.”

Nagreact naman at nagkomento ang isang netizen at sinabing hindi umano ito kasalanan ng babae kundi sa machism ng lalaki. Tila ipinunto rin nito na biktima lamang  din si Carla. Bwelta naman ni Tom, “Naliligaw po ata kayo with your soapbox, speaking of the other people’s lives who’s contexts you know none of… perhaps you can tend to cleaning your own room instead??”