Tahasang tinukoy ni Andi Eigenmann na isang kaibigang babae ng partner niyang si Philmar Alipayo ang dahilan ng kanyang posts sa social media.

Kinumpirma ni Andi na may pinagdaraanan ang pagsasama nila ngayon ng professional surfer na si Philmar.

Nagsimula sa mga cryptic posts, may pahaging si Andi ukol sa “snake” o “mang-aagaw.”

Dahil kumalat sa social media ang kanyang cryptic posts, nagbigay ng konteksto ang aktres.

May kinalaman daw ito sa pagpapalagay ni Philmar at isang kaibigang babae ng “love couple tattoo” na hindi ipinaalam kay Andi. At ginawa ito kung kailan nagkaroon ng away sina Andi at Philmar.

Pakiramdam daw ni Andi ay “betrayed” siya o tinraydor ng kaibigang babaeng naghihimasok daw sa pagsasama nila ni Philmar.

Kumalat na sa social media ang mga larawan ni Philmar kasama ang foreign female friend na nagpalagay ng matching tattoos.

Hindi rin itinago ng female friend na sobrang close niya sa kanyang “lil bro” na si Philmar, batay sa captions ng posts niya kasama ang surfer.

ANDI DIVULGES REAL REASON OF HER POSTS

Rebelasyon ni Andi, alam niyang hindi siya pinagtaksilan ni Philmar kasama ang babaeng tinutukoy.

Subalit tinraydor daw siya ng kaibigang babaeng ito dahil sa maraming beses ay binubuyo raw si Philmar na hiwalayan niya si Andi sa tuwing mag-aaway sila.

Bungad ni Andi (published as is), “MY WHY FOR POSTING: I AM FULLY AWARE THAT MY HUSBAND NEVER CHEATED ON ME WITH THIS GIRL…. I AM ALWAYS AROUND WHEN THEY ARE TOGETHER.

“I POSTED BECAUSE THIS PERSON BETRAYED ME, ENCOURAGES MY HUSBAND TO BREAK UP W ME DURING EVERY FIGHT EVEN WHEN I ALSO TELL MY SIDE OF THE STORY TO HER.”

Inilahad daw ni Andi na ang babae ang siyang naghimok sa magkaroon sila ni Philmar ng matching tattoos, kung kailan daw nagkaaway pa sina Andi at Philmar.

Pagpapatuloy ni Andi: “SHE DIDN’T HONOR MY SIDE BY CHOOSING TO CELEBRATE HER AND MY HUSBANDS LOVE FOR EACHOTHER BECAUSE THE DAY AFTER OUR FIGHT SHE INSERTED HERSELF IN THE SITUATION BY ENCOURAGING HIM TO GO FOR A SPONTANEOUS LOVE COUPLE TATOO TOGETHER.”

Giit ni Andi, “(If innocent, why now when he is vulnerable? Why not when were ok? Or maybe why not when things have calmed down??)”

Nag-reach out daw si Andi sa kaibigang babae para humingi ng paliwanag, subalit hindi raw siya sinasagot nito.

Pahayag ni Andi, “I REACHED OUT TO HER, TO GET ANY BUT OF EXPLANATION FROM HER FOR THINKING THIS IS A GOOD IDEA, AND SHE CHOSE TO COMPLETELY IGNORE ME.”

Inamin daw ni Andi na nasaktan siya sa ginawa ni Philmar, pero ipinost daw niya ito para ipamukha sa female friend na mali ang ginawa nito na hindi isinasaalang-alang ang damdamin ng karelasyon nito.

Sabi ng aktres (published as is), “Yes I am hurt that my husband didn’t think this would bother me, im not being dumb and ignoring that, BUT POST WAS JUST TO SHOW THAT NO NORMAL PERSON WITH GOOD INTENTIONS WOULD THINK ITS OK FOR A ‘FRIEND’ TO ENCOURAGE SOMEONE ELSE’S HUSBAND TO DO THIS WITHOUT CONSIDERING THE PARTNER’S FEELINGS.

“SPECIALLY AFTER I TOLD HER THAT EVENIF WE ARE IN A BAD FIGHT I WOULD ALWAYS WANT AND CHOOSE TO BE OK WITH MY HUSBAND BECAUSE HE IS MY FAMILY.”

Hindi rito nagtatapos ang post ni Andi. Sinundan pa niya ito ng maanghang na post patukoy sa kaibigang babae.

Post ni Andi, “When my other friends told me that they told their partner’s to stay away from her, I should’ve listened (three crying emojis).”

Katuwiran ni Andi sa pagpo-post niya ukol sa isyung ito, “I would never even shared anything at all on here, if she only had the nerve to respond to me.

“And now I am the bad one…”

Naglabas na rin ng reaksiyon si Philmar ukol sa isyu. Lumalabas na tinatanggap na lamang nito ang lahat ng paratang para hindi na humaba ang usapan.

Nagpasalamat din siya sa mga mensahe ng mga taong aniya ay tunay na nakakakilala sa kanya.

FEMALE FRIEND DEACTIVATES INSTAGRAM

Kapansin-pansin naman na nag-deactivate ng Instagram ang female friend ni Philmar.

Biyernes ay makikita pa sa kanyang IG account ang pag-post niya ng pagkakaroon nila ng matching tattoos ni Philmar.

Sa caption ay tinawag pa niyang “lil bro” ang surfer at kung ano ang kahulugan ang matching tattoo nila na “224.”

Caption dito: “2Today, 2Tomorrow, 2Forever.”

Nitong umaga ay binura ng female friend ang post na ito. At ilang saglit lamang ay di na ma-search ang kanyang Instagram account.