Kataw-anan kaayo ang chikahan nila ni Andi Eigenmann ug ni Melai Cantiveros sa Kapamilya online show na “Kuan On One.”

Kung si Melai gyod ang host ug nag-interview sa mga kauban niya nga mga celebrity kay magkatawa ka gyod og maayo tungod kay puro pangpa-good vibes man god ang madungog ug  makit-an nimo.

Parehas sa iyang interview sa dili na aktibo nga aktres nga si Andi Eigenmann nga nakabase na karon sa isla sa Siargao kuyog ang iyang partner nga si Philmar Alipayo ug ilang mga anak.

Usa sa mga naistoryahan nila sa “Kuan On One” kay ang kabahin sa pagsugod sa love story nila ni Andi ug Philmar ug diin si Andi karon enjoy gyod pagayo sa iyang family life sa Siargao.

Niistorya si Andi nga kaniadto pa niya hilig nga magsurfing. Tinuod nga moadto gyod siya sa La Union kuyog ang iyang mga higala para lang mag-surf hangtud nga naabot siya sa Siargao para lang niini.

Basin Bet Pod Ni Nimo:

Ug didto nailaila niya si Philmar nga usa ka champion surfer ug trainer-instructor. Si Andi ang unang ni-follow sa Instagram ni Philmar hangtod nga gasugod na sila nga mag-chat sa usag-usa.

Human niini kay magkahigalaay na sila si Andi ug si Philmar hangtod nga nauli gyod sa pagdate ug nagkauyab gyod sila. 

Matud pa sa aktres nga feel na feel niya ang pagkabuotan ug sinseridad ni Philmar

“Ang mga probinsyano, mas simple, mas old school. At mas gusto ko ng ganu’n, mas mapi-feel mo na special,” matud pa ni Andi.

Pwerteng katawa sa celebrity mom sa dihang iyang gihinumduman ang gibuhat nga pagpanguyab sa iyaha ni Philmar.

Tinuod gyod nga nikatkat siya sa taas nga kahoy para lang makuha ug mahatagan siya sa iyang paborito nga fresh buko.

Simple lang pod kuno ang ilang pagdate parehas sa pagsurf lang sa mga secret spots sa Siargao, pagadto ug paglangoy sa mga hidden beaches ug rock formations to isla.

Apan sey ni Andi, mao daw to ang pipila ka best days sa iyang kinabuhi sa Siargao.

Matud pa ni Andi nga kaila kuno si Philmar sa iyang mga nipanaw nga mga ginikanan, apan wa siya kahibawo nga anak siya ni Mark Gil ug ni Jaclyn Jose.

“’Yung tingin niya sa akin ay isang normal na tao lang. So, kung sino ako, ganu’n lang din siya. Hindi ko kailangang mag-pretend.

“Binigyan niya ako ng chance na ipakita sa kanya kung sino talaga ako,” matud pa ni Andi na una nga nailado isip usa ka maayo nga aktres sa mga Kapamilya series nga “Agua Bendita” ug “Galema: Anak ni Zuma.”

Sa pangutana ni Melai kung usa ang mga qualities nga tinuod nga nagustuhan niya sa iyang partner, “Ang iya kasing-kasing (yung puso niya).”

Pipila ka tuod pod nga nagpuyo si Andi sa Siargao kuyog si Philmar ug ang ilang mga anak nga sila si Lilo at Koa, apil pod ang iyang kinamagwangan nga anak nga si Ellie (anak ni Andi ni Jake Ejercito), ug mao rag wa na gyod siyay plano nga biyaan ang iyang island life.

Apan sa usa ka interview, nisulti si Andi nga posible pa gyod nga mobalik siya sa kalibutan sa showbiz.

“Hindi ko sinasabing ayoko mag-artista ulit or umarte ulit, hindi na ako babalik. Naghahanap pa rin siguro ako ng tamang pagkakataon para doon,” matud pa ni Andi.