Batid ang dahilan ng pagkamatay ni Gene Hackman at ng asawa niyang si Betsy Arakawa.

Ayon sa report ng Variety magazine, namatay sa sakit sa puso ang kilalang Hollywood actor. Isang nakamamatay na virus naman ang pumuksa sa kanyang asawa.

Ito ang findings na inilabas ng medical examiner noong Biyernes, March 7, 2025.

Ayon kay Heather Jarrell, ang chief medical examiner ng New Mexico Office of the Medical Investigator, unang namatay si Betsy noong February 11, 2025, dahil sa hantavirus, na nakukuha sa daga.

Matapos ang isang linggo, noong February 18, 2025, ay namatay naman si Gene dahil sa cardiovascular disease. Dumagdag din sa dahilan ang kanyang Alzheimer’s disease.

Matatandaang natagpuang wala nang buhay ang mag-asawa sa kanilang bahay sa Santa Fe, New Mexico noong February 26, 2025. Si Gene ay 95 years old, at si Betsy naman ay 65.

HOW GENE HACKMAN AND BETSY ARAKAWA WERE FOUND

Isang maintenance worker ang tumawag sa mga awtoridad matapos nitong mapansin na bukas ang pinto ng bahay nina Gene.

Natagpuan ang mag-asawa na nakahiga sa sahig ng magkaibang kuwarto. Nasa isang mud room na malapit sa kusina si Gene, habang nasa bathroom naman si Betsy.

May nakita ring patay na aso sa isang closet malapit sa katawan ni Betsy. Hindi pa alam ang dahilan ng pagkamatay ng nasabing hayop.

GENE HACKMAN HIT MOVIES

Sikat si Gene dahil sa maraming pelikula, tulad ng Bonnie & Clyde, I Never Sang for My Father at Mississippi Burning.

Noong 1971 ay nanalo naman siya ng Best Actor award sa Oscars para sa The French Connection. Best Supporting Actor Award naman ang tinanggap niya sa Academy para sa Unforgiven noong 1992.

Si Betsy naman ay isang classical pianist at busineswoman na may-ari ng isang furniture store. Pinakasalan niya si Gene noong 1991.