JERRY OLEA
“Maraming salamat to all of you who gave your love and support for our film. We truly have found our home in you and we celebrate this success with you
“Hello, Love, Again is now the highest grossing Filipino of all time in just 10 DAYS!”
Post iyan ng Star Cinema sa X (dating Twitter) nitong Nobyembre 22, 2024, Huwebes ng 7:15 P.M.
Maliban sa socmed posts, nag-email din ang ABS-CBN Corp. Comm this Thursday night na ang sabi, “Hello, Love, Again, the record-breaking romantic drama starring Kathryn Bernardo and Alden Richards, has set a new box-office record, earning P930 million in worldwide box office just 10 days after its release.
“It is now the highest-grossing Filipino movie of all time, surpassing the P924-million record of Dingdong Dantes and Marian Rivera’s Rewind.”
Photo/s: Star Cinema
HELLO, LOVE, AGAIN BREAKS BOX-OFFICE RECORDS
Ang Hello, Love, Again ang unang film collab ng Star Cinema at GMA Pictures. Ipinalabas ito sa local cinemas nationwide umpisa Nobyembre 13, 2024, Miyerkules.
Nagtala ito ng record bilang highest first-day gross na PHP85M, pati highest single-day ticket sales na PHP131M noong Nobyembe 16, Sabado.
Nobyembre 14, Huwebes, nag-premiere ang KathDen reunion movie sa Australia at New Zealand.
Nobyembre 15, Biyernes, nag-umpisa ang screenings nito sa US, Canada, Guam, at Saipan.
Nag-debut ito sa pangwalong puwesto para sa November 15-17 weekend sa North America.
Ayon sa Box Office Mojo ay $2.326M ang estimated gross nito sa unang weekend sa US at Canada. Ito ang biggest opening for a Filipino film in North America.
The blockbuster offering from director Cathy Garcia-Sampana served as the closing film at the Asian World Film Festival, held in Culver City, LA, California.
NOEL FERRER
Tinanggap ni Kathryn Bernardo ang Snow Leopard Rising Star na parangal mula sa Asian World Film Festival na ginanap sa Culver City, Los Angeles, California, USA.
CONTINUE READING BELOW ↓
NOOD KA MUNA!
Kinilala si Kathryn dahil sa kanyang passion at taglay na galing bilang artista, at sa pagmamahal sa kanya ng mga manonood at mga tagasubaybay.
“It is such an honor to be here, representing my fellow Filipinos and my home network, ABS-CBN,” sabi ni Kathryn sa kanyang acceptance speech.
“Thank you so much to the AWFF, my family, my mom — who’s here, my friends, my mentors, and to everyone who has believed in me throughout this journey.
ADVERTISEMENT – CONTINUE READING BELOW ↓
“May we all continue to tell stories that will touch people’s lives.”
GORGY RULA
Nag-congratulate ang Kapuso Primetime Queen na si Marian Rivera sa KathDen kaugnay sa tagumpay ng Hello, Love, Again.
Magkatambal sina Marian at Alden Richards sa Kapuso series na Carmela: Ang Pinakamagandang Babae sa Mundong Ibabaw (Enero-Mayo 2014).
Gumanap si Kathryn Bernardo bilang young Marian sa Kapuso series na Endless Love (Hunyo-Oktubre 2010). Noon pa man ay malapit sa puso ni Kathryn si Marian.
Posible kayang magsama sa isang movie project ang DongYan at KathDen?
