Alden Richards at Kathryn Bernardo

FOR life nang ite-treasure ng Box-office King & Queen na sina Kathryn Bernardo at Alden Richards ang naging experience nila sa shooting ng “Hello, Love, Again” sa Canada.

Halos isang buwan ding nag-shooting ang KathDen sa Calgary at hindi rin daw biro ang naging experience nila roon habang binubuo at tinatapos ang kanilang movie mula sa Star Cinema at GMA Pictures.

Sa interview ni Bianca Gonzalez para sa online show na “BRGY”, binalikan nina Alden at Kath ang mga naging challenges na hinarap nila while filming in Canada.

“Parang we shot four to six times a week na straight. We really had to maximize our time there because it was very limited, and we also had a skeleton crew with us parang the same nu’ng Hello, Love, Goodbye.

“But I think what made it easy despite of the challenges is ‘yung bond that we have as a group kasi same people din eh,” kuwento ni Alden.

“Same writer, si direk Cathy (Garcia-Sampana), same team, so we really didn’t feel any parang hirap during the shoot kasi nga ‘yung bond namin still remained after five years,” dagdag pa niya.

Malaki rin daw ang naitulong nang maayos at balanseng schedule ng kanilang shooting days.

“There were light days, heavy days, may balance rin naman at the same time. But at the end of the day, it’s really the scene that was able to be shot, ‘yung fulfillment being able to retell another story of a well-loved film before,” paliwanag ni Alden.

Sey naman ni Kath, “May adjustments but very minimal kasi nga same group so may rapport na na-build before and it is still there. Five years, fast-forward to 2024, parang same pa rin.

“Though may mga Canadian crew, may ibang tumulong sa amin kasi very limited lang talaga ‘yung na-fly from the Philippines,” chika ng Kapamilya superstar.

“But overall experience it was challenging, challenging naman talaga kapag shooting abroad but maybe ‘yung napi-feel ko everytime na umuuwi kami du’n sa accommodation, happy ako no matter how tired I was.

“For example that day na emotionally tired and physically tired, happy ako kasi gusto ko ‘yung ginagawa ko,” aniya pa.

Showing pa rin sa sandamakmak na sinehan nationwide ang “Hello, Love, Again” na isa nang certified blockbuster na kumita na ng mahigit P1 billion at itinuturing nang “Highest Grossing Filipino Film of All Time.”